ടോക്യോ: വനിതാ ബാഡ്മിന്റണ് സിംഗിള്സ് ഗ്രൂപ്പ് ജെയിലെ ആദ്യ മത്സരത്തില് പി.വി സിന്ധുവിന് വിജയം. ഇസ്രായേല് താരം സെനിയ പോളികാര്പ്പോവെയാണ് നേരിട്ടുള്ള രണ്ടുസെറ്റുകള്ക്ക് പാരജയപ്പെടുത്തിയത്. സ്കോര്: 21-7, 21-10.
കളിയുടെ ഒരുഭാഗത്തും സിന്ധുവിന് വെല്ലുവിളി ഉയര്ത്താന് സെനിയയ്ക്ക് സാധിച്ചില്ല. ലോക ഏഴാം നമ്പര് താരവും റിയോ ഒളിമ്പിക്സ് വെള്ളിമെഡല് ജേതാവുമാണ് സിന്ധു. ലോക വനിതാ സിംഗിള്സ് റാങ്കിംഗില് 58 ആം സ്ഥാനക്കാരിയാണ് പരാജയപ്പെട്ട സെനിയ പോളികാര്പ്പോവ.
ആദ്യ മത്സരം അനായസമായിരുന്നെങ്കിലും ഞാന് അതിനെ അങ്ങനെ കണ്ടില്ല. ഓരോ മത്സരത്തിലും ഓരോ പോയിന്റ് നേടുന്നതിലും ശ്രദ്ധ അര്പ്പിക്കേണ്ടതുണ്ടെന്നും മത്സര ശേഷം സിന്ധു പറഞ്ഞു.
