ടോക്കിയോ: വനിതകളുടെ ഫുട്‌ബോള്‍ മത്സരത്തില്‍ സാമ്പിയയെ തകര്‍ത്ത് നെതര്‍ലന്‍ഡ്‌സ്. മൂന്നിനെതിരെ പത്ത് ഗോളുകള്‍ക്കായിരുന്നു നെതര്‍ലന്‍ഡ്‌സിന്റെ കൂറ്റന്‍ ജയം. മറ്റൊരു മത്സരത്തില്‍ ന്യൂസിസലന്‍ഡിനെ ഓസ്‌ട്രേലിയ കീഴടക്കി. ഒന്നിനെതിരെ രണ്ട് ഗോളുകള്‍ക്കായിരുന്നു ജയം. വിവിയാന മെയ്ദമയുടെ നാല് ഗോളുകളാണ് നെതര്‍ലന്‍ഡ്‌സിന് തകര്‍പ്പന്‍ ജയം നല്‍കിയത്.
നെതര്‍ലന്‍ഡ്‌സിന്റെ എക്കാലത്തെയും മികച്ച ഗോള്‍ വേട്ടക്കാരിയായ മെയ്ദമയും ഓസ്‌ട്രേലിയയുടെ തുടക്കം ഗംഭീരമാക്കി. ഒമ്പതാം മിനിറ്റില്‍ ഗോള്‍ അടിച്ച് കളി തുടങ്ങിയ താരം 15, 29, 59 മിനിറ്റുകളില്‍ ഗോള്‍ നേടി. ബാര്‍ബ്ര ബാന്‍ഡയുടെ വകയായിരുന്നു സാമ്പിയയുടെ മൂന്ന് ഗോളുകളും.
സാം കെര്‍, താമേക്ക യാലോപ്പ് താരങ്ങളുടെ ഗോളിലാണ് ഓസ്‌ട്രേലിയയുടെ ജയം. 20-ാം മിനിറ്റില്‍ യാലോപ്പും 33-ാം മിനിറ്റില്‍ കെറും ഓാസ്‌ട്രേലിയക്കായി ഗോള്‍ നേടി. ഗ്യാബി റെനിയാണ് ന്യാസിലന്‍ഡിനായി ഗോള്‍ നേടിയത്.
