ന്യൂദല്ഹി: പ്രധാനമന്ത്രി നരേന്ദ്രമോദിയുടെ വൈറലായ ചിത്രത്തെപ്പറ്റിയാണ് പാര്ലമെന്റിന്റെ വര്ഷകാല സമ്മേളനത്തിന്റെ ആദ്യദിനം സമൂഹമാധ്യമങ്ങളിലെ സംസാരം. തിങ്കളാഴ്ച ദല്ഹിയില് തുടര്ച്ചയായി മഴ പെയ്തിരുന്നു. പാര്ലമെന്റ് സമ്മേളനം തുടങ്ങുന്നതിന് മുന്പ് കുട ചൂടിയാണ് ഇന്ന് പ്രധാനമന്ത്രി മാധ്യമങ്ങളെ കാണാനെത്തിയത്. പ്രമുഖരെപ്പോലെ കൂടെയുള്ളവരുടെ കൈയില് കുട നല്കാതെ സ്വന്തം കൈയിലായിരുന്നു പ്രധാനമന്ത്രി കുട പിടിച്ചത്.
ഇതാണ് ചിത്രം വൈറലാകാന് ഇടയാക്കിയത്. ഈ ചിത്രം പങ്കിട്ട് ബിജെപി ഔറംഗബാദ് ട്വിറ്റിറല് ഇങ്ങനെ കുറിച്ചു: ‘രാവിലെ മഴയത്ത് പ്രധാനമന്ത്രി പാര്ലമെന്റിലെത്തി. ആദ്യം മുതല് അവസാനം വരെ അദ്ദേഹം സ്വന്തം കുട കൈയില് പിടിച്ചത് ശ്രദ്ധേയം’.
‘ഇതിനു മുന്പ് ഏതെങ്കിലും പ്രധാനമന്ത്രി ഇങ്ങനെ ചെയ്തിട്ടുണ്ടോയെന്ന് അറിയില്ല. മോദി ജി വിഐപി സംസ്കാരം ഇല്ലാതാക്കുന്നത് കാണുന്നതില് സന്തോഷം’ എന്നായിരുന്നു മറ്റൊരാളുടെ പ്രതികരണം. ‘ലാളിത്യം അതിന്റെ ഉന്നതിയില്’ എന്ന് വേറൊരാള് കമന്റ് ചെയ്തു.
