ന്യൂദല്‍ഹി: രാജ്യവ്യാപക പ്രതിരോധ കുത്തിവയ്പ് യജ്ഞത്തിന്റെ ഭാഗമായി ഇതുവരെ നല്‍കിയത് 40.49 കോടി ഡോസ് വാക്‌സിന്‍. 37 സംസ്ഥാനങ്ങളിലും കേന്ദ്രഭരണ പ്രദേശങ്ങളിലെ 18നും 44ല് വയസ്സിനിടയിലുള്ള 21,18,682 ഗുണഭോക്താക്കള്‍ക്ക് ആദ്യ ഡോസും 2,33,019 പേര്‍ക്ക് രണ്ടാം ഡോസ് വാക്‌സിന്‍ നല്‍കിയതായി ആരോഗ്യ മന്ത്രാലയം അറിയിച്ചു കഴിഞ്ഞ ദിവസം അറിയിച്ചു.
രാജ്യത്താകമാനം ഇതുവരെ 3,02,69,796 പേര്‍ രോഗമുക്തരായി രോഗമുക്തി നിരക്ക് 97.31% ആയി വര്‍ദ്ധിച്ചു. കഴിഞ്ഞ 24 മണിക്കൂറിനിടെ 42,004 പേര്‍ സുഖം പ്രാപിച്ചു. അതേസമയം കഴിഞ്ഞ 24 മണിക്കൂറിനിടെ 41,157 പേര്‍ക്കാണ് പുതുതായി രോഗം സ്ഥിരീകരിച്ചത്. രാജ്യത്ത് നിലവില്‍ 4,22,660 പേരാണ് ചികിത്സയിലുള്ളത്. നിലവില്‍ ചികിത്സയിലുള്ളത് ആകെ രോഗബാധിതരുടെ 1.36 ശതമാനമാണ്,
പ്രതിവാര രോഗസ്ഥിരീകരണ നിരക്ക് 5 ശതമാനത്തില്‍ താഴെയായി തുടരുന്നു. നിലവില്‍ ഇത് 2.08 ശതമാനമാണ്. പ്രതിദിന രോഗസ്ഥിരീകരണ നിരക്ക് 2.13%, തുടര്‍ച്ചയായ 27ാം ദിവസവും 3 ശതമാനത്തില്‍ താഴെയാണ് ഇത്. രാജ്യത്ത് പരിശോധനാശേഷി ഗണ്യമായി വര്‍ധിപ്പിച്ചു. ആകെ നടത്തിയത് 44.39 കോടി പരിശോധനകളാണ്.
പ്രതികരിക്കാൻ ഇവിടെ എഴുതുക: