തിരുവനന്തപുരം: മിക്സ്ചര് തൊണ്ടയില് കുടുങ്ങി ഒന്നാം ക്ലാസുകാരി മരിച്ചു. തിരുവനന്തപുരം കോട്ടന്ഹില് സ്കൂളിലെ വിദ്യാര്ഥിനി നിവേദിതയാണ് മരിച്ചത്. ഓട്ടോ തൊഴിലാളിയായ രാജേഷിന്റെ ഏകമകളാണ് നിവേദിത.
കുഞ്ഞ് മിക്സ്ചര് കഴിച്ചുകൊണ്ടിരിക്കവേ തൊണ്ടയില് കുടുങ്ങി ശ്വാസം മുട്ടുകയായിരുന്നു. കഴിഞ്ഞ ദിവസമാണ് കാസര്കോട് വണ്ടു തൊണ്ടയില് കുടുങ്ങി ഒരു വയസുകാരന് മരിച്ചത്. നുള്ളിപ്പാടി ചെന്നിക്കരയിലെ എ.സത്യേന്ദ്രന്റെ മകന് എസ്.അന്വേദാണ് മരിച്ചത്.
വീട്ടിനകത്ത് കളിച്ച് കൊണ്ടിരിക്കെ കഴിഞ്ഞ ദിവസം വൈകുന്നേരം ആറോടെ കുട്ടി കുഴഞ്ഞുവീണ് ബോധരഹിതനാകുകയായിരുന്നു. തുടര്ന്ന് കാസര്ക്കോട്ടെ ജനറല് ആശുപത്രിയില് കുട്ടിയെ എത്തിച്ചപ്പോഴേക്കും മരിച്ചിരുന്നു.
