തിരുവനന്തപുരം: സംസ്ഥാനത്ത് ഞായര്‍ മുതലുള്ള അഞ്ചു ദിവസം ശക്തമായ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം. വിവിധ ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. മലയോരത്തും പുഴയുടെ തീരങ്ങളിലും അതിജാഗ്രത നിര്‍ദേശം നല്‍കി. അതിനിടെ ബംഗാള്‍ ഉള്‍ക്കടലില്‍ ന്യൂനമര്‍ദവും രൂപപ്പെട്ടു. വരും മണിക്കൂറുകളിലും സംസ്ഥാനത്ത് വ്യാപകമായ ഒറ്റപ്പെട്ട മഴ ലഭിക്കാനാണ് സാധ്യതയാണ് എല്ലാ ജില്ലകളിലുമുള്ളത്. ഇടുക്കി, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ അതിശക്തമായ മഴ പെയ്യും. ഓറഞ്ച് അലര്‍ട്ട് ഈ ജില്ലകളില്‍ നല്‍കിയിട്ടുണ്ട്. വടക്കന്‍ ജില്ലകളിലാണ് അറബിക്കടലിലെ കാലവര്‍ഷക്കാറ്റ് ശക്തമാകുന്നതിന്റെ ഭാഗമായുള്ള മഴ ലഭിക്കുക.
ഓറഞ്ച് അലര്‍ട്ട്
ജൂലൈ 11: ഇടുക്കി, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട്
ജൂലൈ 12: ഇടുക്കി, കണ്ണൂര്‍, കാസര്‍കോട്.
യെലോ അലര്‍ട്ട്
ജൂലൈ 11: പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്‍, പാലക്കാട്
ജൂലൈ 12: പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്‍, മലപ്പുറം, കോഴിക്കോട്, വയനാട്
ജൂലൈ 13: എറണാകുളം, ഇടുക്കി, തൃശൂര്‍, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട്
ജൂലൈ 14: ഇടുക്കി, മലപ്പുറം, കോഴിക്കോട്, കണ്ണൂര്‍, കാസര്‍കോട്
ജൂലൈ 15: എറണാകുളം, ഇടുക്കി, തൃശൂര്‍, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട്
ബംഗാള്‍-ഒഡീഷ തീരത്ത് രൂപപ്പെട്ട ന്യൂനമര്‍ദത്തിന്റെ ഭാഗമായി അറബിക്കടലില്‍ കാലവര്‍ഷക്കാറ്റ് ശക്തമായിട്ടുണ്ട്. ഇതിന്റെ പ്രഭാവത്തില്‍ തീരങ്ങളില്‍ കടലാക്രമണത്തിന് സാധ്യതയുണ്ട്. മൂന്നര മീറ്റര്‍വരെ ഉയരത്തില്‍ തിലമാലകളും വീശാം. 14 ജില്ലകളില്‍ ഈ മുന്നറിയിപ്പ് നിലനില്‍ക്കുന്നതില്‍ കടലില്‍ പോകാന്‍ പാടില്ല.
തീരത്തുനിന്ന് മാറിത്താമസിക്കണമെന്നും മുന്നറിയിപ്പുണ്ട്. കഴിഞ്ഞ ദിവസങ്ങളിലെ ശക്തമായ മഴയില്‍ വെള്ളം കയറിയിട്ടുള്ള പ്രദേശങ്ങളിലും മണ്ണിടിച്ചിലിന് സാധ്യതയുള്ള ഇടങ്ങളിലും ജാഗ്രതപാലിക്കണമെന്നുള്ള മുന്നറിയിപ്പും ഇപ്പോള്‍ നല്‍കിയിട്ടുണ്ട്. ചൊവ്വാഴ്ച വരെ കടലില്‍ പോകുന്നതിന് വിലക്കുണ്ട്. അതേസമയം റെഡ് അലര്‍ട്ട് പ്രഖ്യാപിച്ചിട്ടില്ലെന്ന് ആശ്വാസം നല്‍കുന്നു. ആഴ്ചകളായി മഴ ലഭിക്കാതിരുന്ന സാഹചര്യം കേരളത്തിലുണ്ടായിരുന്നു. കാലവര്‍ഷം ശക്തിപ്പെടുന്നുവെന്നാണ് പൊതുവേയുള്ള വിവരം.
പ്രതികരിക്കാൻ ഇവിടെ എഴുതുക: