ഇടുക്കി : വണ്ടിപ്പെരിയാർ പീഡനക്കൊലപാതകക്കേസിൽ പ്രതി അർജുനുമായി പൊലീസ് തെളിവെടുപ്പ് നടത്തുന്നതിനിടെ നാടകീയ രംഗങ്ങൾ. പ്രതിയെക്കണ്ട് പൊട്ടിത്തെറിച്ച നാട്ടുകാര്‍ പൊലീസിന്റെ വലയം ഭേദിച്ച് ഒരു ഘട്ടത്തില്‍ ഇരച്ചുകയറുകയും അതിലൊരാള്‍ അര്‍ജുന്റെ മുഖത്തടിക്കുകയും ചെയ്തു. പ്രതിയെ കണ്ട് പൊട്ടിത്തെറിച്ച് നാട്ടുകാര്‍ ഉറക്കെ ചീത്തവിളിക്കുന്നതും കേള്‍ക്കാമായിരുന്നു.
പെൺകുട്ടിയുടെ ഡമ്മി ഉപയോഗിച്ചുള്ള തെളിവെടുപ്പാണ് ഞായറാഴ്ച നടന്നത്. പീഡന ശ്രമത്തിനിടെ ബോധരഹിതയായ കുട്ടിയെ പഴക്കുല തൂക്കുന്ന കയറിലാണ് പ്രതി ഷാൾ ഉപയോഗിച്ച് കെട്ടിത്തൂക്കി കൊലപ്പെടുത്തിയത്. ശേഷം വീടിന്റെ ജനൽ വഴി രക്ഷപ്പെടുകയായിരുന്നു. ഡമ്മി ഉപയോഗിച്ച് നടത്തിയ തെളിവെടുപ്പിൽ അർജുൻ ഇതെല്ലാം അന്വേഷണ സംഘത്തിന് മുന്നിൽ വിശദീകരിച്ചു.ശേഷം ജനല്‍ വഴി പ്രതി രക്ഷപ്പെടുകയായിരുന്നു. ഡമ്മി ഉപയോഗിച്ചുള്ള തെളിവെടുപ്പില്‍ പ്രതി ഇതെല്ലാം അന്വേഷണസംഘത്തിന് മുന്നില്‍ വിവരിച്ചു.
പ്രതിയെ പെൺകുട്ടിയുടെ വീട്ടിൽ എത്തിച്ചാണ് തെളിവെടുപ്പ് നടത്തിയത്. എന്നാൽ ഇതിനായി സ്ഥലത്തെത്തിയപ്പോൾ പ്രതിഷേധവുമായി നാട്ടുകാർ രംഗത്തെത്തുകയായിരുന്നു. പെൺകുട്ടിയെ പീഡിപ്പിച്ച് കൊലപ്പെടുത്തിയ സംഭവത്തിൽ ഇത് രണ്ടാം തവണയാണ് പ്രതിയുമായി പോലീസ് പെൺകുട്ടിയുടെ വീട്ടിൽ തെളിവെടുപ്പ് നടത്തുന്നത്. നേരത്തെ തെളിവെടുപ്പിനിടെ നാട്ടുകാർ അക്രമാസക്തരായതിനെ തുടർന്ന് ഇത്തവണ കനത്ത സുരക്ഷയാണ് ഏർപ്പെടുത്തിയത്. എന്നാൽ നിയന്ത്രണം നഷ്ടമായതോടെ പോലീസിനെ മറികടന്നും ഇവർ പ്രതിയെ ആക്രമിക്കാൻ ശ്രമിക്കുകയായിരുന്നു.
കുട്ടിയെ പീഡിപ്പിച്ച കേസിൽ പ്രതിയ്‌ക്ക് മറ്റാരുടേയെങ്കിലും സഹായം ലഭിച്ചോ എന്നും പോലീസ് അന്വേഷിച്ച് വരുന്നുണ്ട്. മറ്റേതെങ്കിലും പെൺകുട്ടികളെ പ്രതി പീഡനത്തിന് ഇരയാക്കിയിട്ടുണ്ടോയെന്നും അന്വേഷിച്ച് വരുന്നു. ജൂലായ് 13 വരെയാണ് തൊടുപുഴ പോക്സോ കോടതി പ്രതിയെ കസ്റ്റഡിയില്‍ വിട്ടിരിക്കുന്നത്.
പ്രതികരിക്കാൻ ഇവിടെ എഴുതുക: