വണ്ണപ്പുറം: റോഡ് നവീകരണം തടസപ്പെടുത്തിയ സംഭവത്തില്‍ വനംവകുപ്പിനെതിരെ ഡിഎഫ്ഒ ഓഫീസിന് മുന്നില്‍ ബിജെപിയുടെ പ്രതിഷേധം.
തലക്കോട്- വെള്ളക്കയം- പ്ലാത്തിക്കവല റോഡിന്റെ പണികള്‍ തടസപ്പെടുത്തുന്ന വനംവകുപ്പിന്റെ നടപടിക്കെതിരെയാണ് ബിജെപി മുള്ളരിങ്ങാട് മേഖല കമ്മിറ്റിയുടെ നേതൃത്വത്തില്‍ ധര്‍ണ്ണ നടത്തിയത്. കോതമംഗലം ഡിവിഷണല്‍ ഫോറസ്റ്റ് ഓഫീസിന് മുന്നില്‍ നടന്ന സമരം ബിജെപി തൊടുപുഴ നിയോജക മണ്ഡലം പ്രസിഡന്റ് പ്രസാദ് വണ്ണപ്പുറം ഉദ്ഘാടനം ചെയ്തു.
മുള്ളരിങ്ങാട് മേഖല പ്രസിഡന്റ് ജോര്‍ജ് പൗലോസ് അദ്ധ്യക്ഷനായ യോഗത്തില്‍ എറണാകുളം ജില്ല സെക്രട്ടറി ഇ.ടി. നടരാജന്‍, കോതമംഗലം നിയോ. മണ്ഡലം പ്രസിഡന്റ് മനോജ് ഇഞ്ചുര്‍, മുള്ളരിങ്ങാട് മേഖല ജന. സെക്രട്ടറി ഭവനപ്പന്‍, സെക്രട്ടറി നാരായണന്‍ കൂറ്റമാക്കല്‍, വണ്ണപ്പുറം മേഖല മുന്‍ പ്രസിഡന്റ് കെ.പി. സജീവന്‍, ബിഎംഎസ് മുള്ളരിങ്ങാട് യൂണിറ്റ് സെക്രട്ടറി കെ.സി. വര്‍ഗീസ്, യുവമോര്‍ച്ച മേഖല കമ്മിറ്റി പ്രസിഡന്റ് ഹരി കൃഷ്ണന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: