ആലപ്പുഴ : പോലീസ് സാന്നിധ്യത്തില് പോലും നൂറ് കണക്കിനാളുകള് കോവിഡ് മാനദണ്ഡങ്ങള് അവഗണിച്ച് മദ്യവില്പന കേന്ദ്രങ്ങള്ക്ക് മുന്നില് വരി നില്ക്കുമ്പോള് എല്ലാ കൊവിഡ് മാനദണ്ഡങ്ങളും പാലിച്ച് ഭക്ഷണ വിതരണം നടത്താന് സര്ക്കാര് അനുമതി നിഷേധിക്കുന്നതിനേതിരെയുള്ള പ്രതിഷേധത്തിന്റെ ഭാഗമായി ബിവറേജസ് കോര്പറേഷന്റെ വിദേശ മദ്യവില്പന കേന്ദ്രങ്ങള്ക്ക് മുന്നില് ഇന്ന് നില്പ്പ് സമരം നടത്തുമെന്ന് ആള് കേരള കാറ്ററേഴ്സ് അസോസിയേഷന് (എകെസിഎ) ഭാരവാഹികള് വാര്ത്താ സമ്മേളനത്തില് അറിയിച്ചു.
രാവിലെ 10 മുതല് ഉച്ചക്ക് ഒരു മണിവരെയാണ് നില്പ് സമരവും നടത്തുന്നത്.ആലപ്പുഴ, മാവേലിക്കര, ചേര്ത്തല എന്നിവിടങ്ങളിലെ ബിവറേജസ് കേര്പ്പറേഷന്റെ മദ്യവില്പ്പന കേന്ദ്രങ്ങള്ക്ക് മുന്നിലാണ് സമരം നടക്കുക. സംഘടനയുടെ ആവശ്യങ്ങളെ സര്ക്കാര് അവഗണിക്കുന്ന പക്ഷം രണ്ടാം ഘട്ട സമര പരിപാടികള് ആരംഭിക്കുമെന്നും നേതാക്കളായ സംസ്ഥാന സെക്രട്ടറി പി വി മാത്യു, ജില്ലാ പ്രസിഡന്റ് ടോമി ജോസഫ്, ജില്ലാ സെക്രട്ടറി, ബ്രൈറ്റ് സെബാസ്റ്റ്,ന്, ജില്ലാ രക്ഷാധികാരി ജോസഫ് കെ എസ്, മേഖലാ സെക്രട്ടറി ജോട്ടി ജോസഫ് എന്നിവര് അറിയിച്ചു.
