വിജീഷ് മണി കഥയെഴുതി സംവിധാനം ചെയ്യുന്ന പുഴയമ്മ ജൂലൈ ഒന്നിന് റിലീസ് ചെയ്യും. ബേബി മീനാക്ഷി, ലിന്റാ അര്‍സെനിയോ എന്നിവരാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. ജിയോ സിനിമ വഴിയാണ് സിനിമ റിലീസ് ചെയ്യുന്നത്. ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ചിത്രം നിര്‍മിക്കുന്നത്.
തമ്പി ആന്റണി, ഉണ്ണിരാജ, പ്രകാശ് ചെങ്ങല്‍, രാജേഷ് ബി , റോജി പി കുര്യന്‍, ആഷ്ലി ബോബന്‍, ലക്ഷ്മിക്കാ, ഫാത്തിമ അല്‍ മന്‍സൂരി, മാസ്റ്റര്‍ വിരാട് എന്നിവരും ചിത്രത്തില്‍ അഭിനയിക്കുന്നുണ്ട്. എസ്. ലോകനാഥനാണ് ഛായാഗ്രഹണം. പ്രകാശ് വാടിക്കല്‍ തിരക്കഥ സംഭാഷണം.
വയലാര്‍ ശരത്ചന്ദ്രവര്‍മ്മ എഴുതിയ വരികള്‍ക്ക് കിളിമാനൂര്‍ രാമവര്‍മ്മ സംഗീതം പകരുന്നു. ആദ്യമായി നദിയില്‍ മാത്രം ചിത്രീകരിച്ച ചിത്രമായ ‘പുഴയമ്മ’യില്‍ നാട്ടുക്കാരിയായ പതിമൂന്ന് വയസ്സുള്ള പെണ്‍കുട്ടിയും അമേരിക്കന്‍ ടൂറിസ്റ്റായ ഒരു യുവതിയും തമ്മിലുള്ള ആത്മബന്ധത്തിന്റെ കഥ പറയുന്നു.
എക്‌സിക്യൂട്ടീവ് പ്രൊഡ്യൂസര്‍-വി സി പ്രവീണ്‍, ബൈജു ഗോപാല്‍, എഡിറ്റര്‍-രാഹുല്‍, വിജീഷ് മണി,കല-മുരുകന്‍ ആര്‍ കാട്ടാക്കട, മേക്കപ്പ്-പട്ടണം റഷീദ്, വസ്ത്രാലങ്കാരം-ഇന്ദ്രന്‍സ് ജയന്‍, പ്രൊഡക്ഷന്‍ എക്‌സിക്യൂട്ടീവ്-ശരത് പത്മനാഭന്‍, വാര്‍ത്ത പ്രചരണം-എ എസ് ദിനേശ്.
പ്രതികരിക്കാൻ ഇവിടെ എഴുതുക: