തൊടുപുഴ: ജില്ലയില്‍ വിവിധ ഡിവൈഎസ്പിമാര്‍ക്ക് കൂട്ട സ്ഥലമാറ്റം. സ്ഥലമാറ്റത്തിലൂടെയും സ്ഥാനകയറ്റിലൂടെയും പുതിയ ഉദ്യോഗസ്ഥര്‍ക്ക് ചുമതല നല്‍കി. സിഐ ആയിരുന്ന മനോജ് കെ.ആര്‍-നെ സ്ഥാനകയറ്റത്തിലൂടെ മൂന്നാര്‍ ഡിവൈഎസ്പി ആയി നിയമിച്ചു.
കോട്ടയം അഡീഷണല്‍ എസ്പി ആയിരുന്ന സുനില്‍കുമാര്‍ എ.യുവിനെ ഇടുക്കിയിലേക്കും ഇടുക്കിയിലെ അഡീ. എസ്പി ആയിരുന്ന സുരേഷ്‌കുമാര്‍ എസിനെ കോട്ടയത്തിനും മാറ്റി. മൂന്നാര്‍ ഡിവൈഎസ്പി. സുരേഷ് ആറിനെ കൊട്ടാക്കരയ്‌ക്കും കട്ടപ്പന ഡിവൈഎസ്പി ജെ. സന്തോഷ്‌കുമാര്‍ കോട്ടയം സബ് ഡിവിഷനിലേക്ക് മാറ്റി. ജില്ലാ ക്രൈബ്രാഞ്ച് ഡിവൈഎസ്പി ഇമ്മാനുവല്‍ പോളിനെ ഇടുക്കി സബ് ഡിവിഷനിലേക്ക് മാറ്റി.
തിരുവനന്തപുരം കണ്‍ടോന്‍മെന്റ് ഡിവൈഎസ്പി സദന്‍ കെ-യെ തൊടുപുഴയിലേക്കും ജില്ലാ ക്രൈബ്രാഞ്ച് ഡിവൈഎസ്പി നിഷാദ്‌മോനെ കട്ടപ്പന സബ് ഡിവിഷനിലേക്കും മാറ്റി. മൂവാറ്റുപുഴ ഡിവൈഎസ്പി സനില്‍കുമാര്‍ സി.ജിയെ പീരുമേടിനും പീരുമേട്ടിലെ ഡിവൈഎസ്പി ലാല്‍ജി കെ-യെ എറണാകുളം സെന്‍ട്രലിലേക്കും മാറ്റി.
ഇടുക്കി ഡിവൈഎസ്പി ഫ്രാന്‍സീസ് ഷെല്‍ബിയെ കെ.എഫിനെ കിഴക്കന്‍ കൊച്ചി സിറ്റിയിലെ ട്രാഫിക് 2ലേക്കും കൊച്ചി നര്‍ക്കോട്ടിക് സെല്‍ ഡിവൈഎസ്പി തോമസ് കെ.എ. ജില്ലാ ക്രൈബ്രാഞ്ചിലേക്കും മാറ്റി. ട്രാഫിക് 1(പടിഞ്ഞാറ്) കൊച്ചി സിറ്റി ഡിവൈഎസ്പി വിനോദ് സി. ആണ് ജില്ലാ ക്രൈബ്രാഞ്ചി(2)ലേക്കും മാറ്റി.
പ്രതികരിക്കാൻ ഇവിടെ എഴുതുക: