ലഖ്നൗ: കൃഷ്ണജന്മ ഭൂമിയിലെ ഷാഹി ഇഡ്ഗാ മസ്ജിദ് പൊളിച്ചു മാറ്റാന് തയാറായാല് പള്ളി നിര്മിക്കാന് മുസ്ലിം വിഭാഗത്തിന് വിശാലമായ ഭൂമി വാഗ്ദാനം ചെയ്ത് ശ്രീകൃഷ്ണ ജന്മഭൂമി മുക്തി ആന്ദോളന് സമിതി മഥുര കോടതിയില് അപേക്ഷ നല്കി. ശ്രീകൃഷ്ണ ക്ഷേത്ര ട്രസ്റ്റും ശ്രീകൃഷ്ണ ജന്ഭൂമി മുക്തി അന്ദോളന് സമിതിയും മഥുരയിലെ ഷാഹി ഇഡ്ഗാ മസ്ജിദ് മാനേജ്മെന്റിന് മുന്പ് വാഗ്ദാനം ചെയ്തിനേക്കാള് കൂടുതല് ഭൂമിയാണ് ഇപ്പോള് സമാധാന നിര്ദ്ദേശം മുന്നോട്ട് വച്ചിട്ടുള്ളത്.
കൃഷ്ണജന്മ ഭൂമിയിലെ മസ്ജിദ് പൊളിച്ച് നീക്കണമെന്ന് ആവശ്യപ്പെട്ട് സമര്പ്പിക്കപ്പെട്ട ഹര്ജിയില് കേന്ദ്രസര്ക്കാരിന്റെ അഭിപ്രായം അലഹബാദ് ഹൈക്കോടതി തേടിയിരുന്നു. മഥുരയിലെ കത്ര കേശവ്ദേവ് ക്ഷേത്രം പതിനാറാം നൂറ്റാണ്ടില് മുഗള് ചക്രവര്ത്തിയായ ഔറംഗസീബ് തകര്ത്തുവെന്നും അതിനു മുകളിലാണ് ഷാഹി മസ്ജിദ് പണിതതെന്നും ഹര്ജിയില് ചൂണ്ടിക്കാട്ടിയത്.
അതിനാല് തന്നെ പള്ളി നില്ക്കുന്ന ഭൂമി ഹിന്ദുക്കള്ക്ക് കൈമാറണമെന്നും, ഒപ്പം കേസില് തീര്പ്പാകുന്നതുവരെ ഹിന്ദുക്കള്ക്ക് ആ ഭൂമിയില് ആഴ്ചയിലെ ചില ദിവസങ്ങളിലും ജന്മാഷ്ടമിയിലും ആരാധന നടത്താന് അനുമതി നല്കണമെന്നും ഹര്ജിയില് വ്യക്തമാക്കിയിരുന്നു. ഭൂമി ഹിന്ദുക്കള്ക്ക് വിട്ടു നല്കുന്ന കാര്യത്തില് നിര്ദേശം സമര്പ്പിക്കാനാണ് കോടതി കേന്ദ്രത്തോട് ആവശ്യപ്പെട്ടത്. മഥുരയുടെ ഷാഹി മസ്ജിദ് പള്ളി നിര്മ്മിച്ചിരിക്കുന്നത് 13.37 ഏക്കര് വിസ്തൃതിയുള്ള ശ്രീകൃഷ്ണ ജന്മഭൂമിയിലാണെന്നും, അത് ഭക്തര്ക്കും, ഹൈന്ദവര്ക്കും അവകാശപ്പെട്ടതാണെന്നും അവിടെ സ്ഥിതി ചെയ്യുന്ന ഷാഹി ഇദ്ഹാ മസ്ജിദ് പൊളിച്ച് നീക്കണമെന്നും ഹര്ജിയില് അഭിഭാഷകര് ആവശ്യപ്പെടുന്നു. ഈ കേസിലാണ് കേന്ദ്രസര്ക്കാരിന്റെ നിലപാട് വ്യക്തമാക്കാന് ഹൈക്കോടതി ആവശ്യപ്പെട്ടിരിക്കുന്നത്.
ശ്രീകൃഷ്ണ ജന്മഭൂമിയുടെ ചരിത്രം ഇവിടെ വായിയ്ക്കാം
