തിരുവനന്തപുരം: യുവതിയെ കാറിനകത്തുവച്ച് മര്ദ്ദിച്ചതിന്് അറസ്റ്റിലായ മുന് മന്ത്രിയുടെ പേഴ്സനല് സ്റ്റാഫിന്റെ മകനെ രക്ഷിക്കാന് സിപിഎം. പാറ്റൂര് സ്വദേശിയും വഞ്ചിയൂര് കോടതിയിലെ അഭിഭാഷകനുമായ അശോകിനെയാണ് കഴിഞ്ഞ ദിവസം രാത്രിയില് മ്യൂസിയം പൊലീസ് അറസ്റ്റ് ചെയ്തത്. കടകംപള്ളി സുരേന്ദ്രന്റെ പേഴ്സനല് സ്റ്റാഫിന്റെ മകനാണ് പിടിയിലായത്. രാത്രി 8.30ന് ലോ കോളജ് ജങ്ഷനിലായിരുന്നു സംഭവം. പരാതിക്കാരിയായ യുവതി അശോകിന്റെ സുഹൃത്താണ്.
ടെക്നോപാര്ക്കിലാണ് യുവതി ജോലി ചെയ്യുന്നത്. കാറിനുള്ളില് നിന്ന് പെണ്കുട്ടിയുടെ നിലവിളി കേട്ടാണ് നാട്ടുകാര് ശ്രദ്ധിച്ചത്. ഇയാള് പെണ്കുട്ടിയെ കാറില് നിന്നിറക്കി നാട്ടുകാരുടെ മുന്നില്വച്ചും മര്ദ്ദനം തുടര്ന്നു. ഇതോടെ നാട്ടുകാരും യുവാവും തമ്മില് വാക്കേറ്റമുണ്ടായി.
അഭിഭാഷകനാണെന്നും മുന് മന്ത്രിയുടെ സ്റ്റാഫിന്റെ മകനാണെന്നും പറഞ്ഞ് കാറില് രക്ഷപ്പെടാന് ശ്രമിച്ചെങ്കിലും നാട്ടുകാര് അനുവദിച്ചില്ല. സ്കൂട്ടറിലെത്തിയ രണ്ട് യുവതികള് സംഭവം ഒത്തുതീര്പ്പാക്കാന് ശ്രമം നടത്തിയെങ്കിലും നാട്ടുകാര് വഴങ്ങിയില്ല. ഒടുവില് മ്യൂസിയം പൊലീസെത്തി യുവാവിനെയും പെണ്കുട്ടിയെയും സ്റ്റേഷനിലേക്ക് മാറ്റി. തുടര്ന്ന് യുവതിയുടെ പരാതിയില് ഇയാളുടെ അറസ്റ്റ് രേഖപ്പെടുത്തുകയായിരുന്നു. പൊതുസ്ഥലത്ത് ബഹളമുണ്ടാക്കല്, സ്ത്രീകള്ക്കെതിരെയുള്ള ആക്രമണം, മദ്യപിച്ച് വാഹനമോടിക്കല് തുടങ്ങിയ വകുപ്പുകളാണ് ചുമത്തിയത്.
കേസ് ഒതുക്കാന് യുവതിയുടെ മേല് കടുത്ത സമ്മര്ദ്ദമാണ് സിപിഎം നടത്തുന്നത്. നാളെ കേസ് കോടതിയിലെത്തുമ്പോള് യുവതി ഒത്തു തീര്പ്പിന് സന്നദ്ധത അറിയിക്കാനാണ് സാധ്യത.
അത്യാവശ്യ കാര്യങ്ങള്ക്കല്ലാതെ പുറത്തിറങ്ങുന്നതിനു പോലും വിലക്കുള്ളപ്പോള് ഇവര് എന്തിന് ലോ കോളേജ് ജംഗ്ഷനില് വാഹനത്തിലെത്തിയത് എന്നത് ദൂരൂഹമാണ്. സംഭവം ഒത്തുതീര്പ്പാക്കാന് ശ്രമിച്ച സ്കൂട്ടറിലെത്തിയ രണ്ട് യുവതികള് ആരെ എന്നതും സംശയത്തിലാണ്.
