കാസര്ഗോഡ്: കോഴിക്കോട് വിമാനത്താവളത്തിന് സമീപം കള്ളക്കടത്ത് സംഘം ഏറ്റുമുട്ടിയ സംഭവത്തില് കണ്ണൂരില് നിന്നെത്തിയ സംഘത്തിന് സിപിഎം ബന്ധമുണ്ടെന്ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന്. കണ്ണൂരില് സിപിഎമ്മിന് വേണ്ടി ക്രിമിനല് പ്രവര്ത്തനം നടത്തുന്നവരാണ് കോഴിക്കോട്ടെത്തിയത്. കള്ളക്കടത്ത് സംഘത്തിന് സിപിഎം ബന്ധം; കണ്ണൂരില് സിപിഎമ്മിന് വേണ്ടി ക്രിമിനല് പ്രവര്ത്തനം നടത്തുന്നവരാണ് കോഴിക്കോട്ടെത്തിയതെന്നും കെ.സുരേന്ദ്രന്
ചെര്പ്പുളശ്ശേരിയില് നിന്നെത്തിയ സംഘത്തിന് ഡിവൈഎഫ്ഐയുമായും എസ്ഡിപിഐയുമായും ബന്ധമുണ്ടെന്നും കാസര്ഗോഡ് മാദ്ധ്യമപ്രവര്ത്തകരോട് സംസാരിക്കവെ അദ്ദേഹം പറഞ്ഞു. വിമാനത്താവളത്തിന് 50 മീറ്റര് അകലെ ഗുണ്ടാസംഘം ഏറ്റുമുട്ടിയത് പൊലീസിന്റെ പരാജയമാണ്. ചെര്പ്പുളശ്ശേരി നഗരസഭാ ചെയര്മാന് സംഭവസ്ഥലത്തെത്തിയത് രാഷ്ട്രീയ ബന്ധത്തിന്റെ തെളിവാണ്. അപകടം നടന്നില്ലായിരുന്നെങ്കില് പൊലീസിന്റെ നിഷ്ക്രിയത്വവും കള്ളക്കടത്തുകാരുമായുള്ള സഹകരണവും ആരും അറിയില്ലായിരുന്നു. രാഷ്ട്രീയ പ്രവര്ത്തകരുടെ പേരില് കള്ളക്കേസെടുക്കുന്ന സര്ക്കാര് കള്ളക്കടത്തുകാര്ക്ക് ഒത്താശ ചെയ്യുകയാണ്. കള്ളക്കേസുകളുണ്ടാക്കി ബിജെപിയെ വായടപ്പിക്കാനാവില്ല. പൊലീസിന്റെയും സര്ക്കാരിന്റെയും പ്രതികാര നടപടിക്കെതിരായി രാഷ്ട്രീയമായും നിയമപരമായും ബിജെപി പോരാടുമെന്നും സുരേന്ദ്രന് പറഞ്ഞു.
