ടൊറന്റോ: കാനഡയിൽ ലോക് ഡൗണ്‍ കാലത്ത് നടന്ന ചരിത്രം കണ്ട ഏറ്റവും വലിയ മയക്കുമരുന്ന് വേട്ടയില്‍ 20 പേര്‍ അറസ്റ്റിലായി. ഇവരിൽ ഒമ്പത് പേർ പഞ്ചാബിൽ നിന്നുള്ളവരാണ്. അതിര്‍ത്തി കടന്നുള്ള കള്ളക്കടത്തില്‍ 1,000 കിലോ മയക്കുമരുന്നാണ് ഇവരിൽ നിന്നും ടൊറന്റോ പോലീസ് പിടിച്ചെടുത്തത്.
എക്‌സ്‌റേ (സ്കാനിംഗ്) ഉപയോഗിച്ച് കണ്ടുപിടിക്കാന്‍ പറ്റാത്ത വിധത്തില്‍ ആയിരുന്നു മയക്കുമരുന്ന് കടത്തിക്കൊണ്ട് പോന്നിരുന്നത്. മെക്‌സിക്കോയില്‍ നിന്നും കാലിഫോര്‍ണിയയില്‍ നിന്നും ഒന്റാറിയോയിലെ നിരവധി നഗരങ്ങളിലേക്ക് ഒരു സമയം 100 കിലോഗ്രാം വരെ മയക്കുമരുന്ന് ട്രാക്ടര്‍ ട്രെയിലറുകളില്‍ കടത്തിയിരുന്നു.
ട്രാപ്പ്‌ട്രെയിലറുകളില്‍ പ്രത്യേകതരത്തിലുള്ള അറകളിലാണ് ഇത് സൂക്ഷിച്ചു കൊണ്ടിരുന്നത് “പ്രോജക്ട് ബ്രിസ” കണ്ടെത്തി. കൊറോണക്കാലം ആയതുകൊണ്ട് അതിര്‍ത്തിയില്‍ അധികം ചെക്കിങ് ഇല്ലാത്തതും ഇവര്‍ക്ക് കൂടുതല്‍ കൊണ്ടുവരുവാന്‍ സാധിക്കുമായിരുന്നു .ഉദ്യോഗസ്ഥര്‍ കെണിയില്‍ പെടുത്തി ആണ് ഇവരെ പിടിച്ചത്.
പിടികൂടിയവരില്‍ ടൊറന്റോയിലെ സ്‌കോട്ട് മക്മാനസ് (38), വില്യം നാന്‍ (23) എന്നിവരെയാണ് കണ്ടെത്തിയത്.61 ദശലക്ഷം ഡോളര്‍ വിലമതിക്കുന്ന കൊക്കെയ്ന്‍, ക്രിസ്റ്റല്‍ മെത്ത്, മരിജുവാന എന്നിവ ഇവരിൽ പിടിച്ചെടുത്തു.
ഇരുപത് പേര്‍ ഇപ്പോള്‍ കസ്റ്റഡിയിലാണ്, മറ്റ് രണ്ട് പേര്‍ ഇപ്പോഴും ലാമിലാണ്.ചാര്‍ജ്ജ് ചെയ്യപ്പെടുന്നവരില്‍ ഭൂരിഭാഗവും കിച്ചനര്‍, ടൊറന്റോ, ജിടിഎ എന്നിവിടങ്ങളിലാണ് താമസിക്കുന്നത്. പിടിയിലായ ഇന്ത്യാക്കാരിൽ ഒരാൾ വനിതയാണ്. മൊത്തം 182 ക്രിമിനല്‍ കോഡ് ചാര്‍ജുകളാണ് അവര്‍ നേരിടുന്നത്.
സംശയമുള്ളവരെക്കുറിച്ചുള്ള വിവരങ്ങള്‍ ഉള്ള ആര്‍ക്കും അന്വേഷകരെ വിളിക്കാന്‍ ആവശ്യപ്പെടുന്നു.ആര്‍സിഎംപി, ഒപിപി, യോര്‍ക്ക് റീജിയണല്‍ പോലീസ്, മോണ്‍ട്രിയല്‍ പോലീസ് തുടങ്ങി. നിരവധി പ്രവിശ്യാ, ഫെഡറല്‍ ഏജന്‍സികള്‍ അന്വേഷണത്തിന് സഹായിച്ചതായി ടൊറന്റോ പോലീസ് പറയുന്നു.
മയക്കുമരുന്ന് ഉപയോഗിച്ച് വണ്ടികളെല്ലാം സര്‍ക്കാര്‍ ഏറ്റെടുക്കും. കാനഡയില്‍ ഇപ്പോള്‍ കഞ്ചാവ് ലീഗല്‍ ആയി മേടിക്കാം എങ്കിലും ഇപ്പോഴും അതിര്‍ത്തി കടന്നു വരുന്നുണ്ട്. വാഹനങ്ങളും പണവും സിവില്‍ എന്‍ഫോഴ്‌സ്‌മെന്റ് നടപടികളിലൂടെ ഒന്റാറിയോ സര്‍ക്കാര്‍ എടുക്കുമെന്നും അതേസമയം മയക്കുമരുന്ന് നശിപ്പിക്കുമെന്നും പറഞ്ഞു.
നിയമവിധേയമാക്കിയിട്ടും കാനഡയില്‍ ലാഭകരമായ ഭൂഗര്‍ഭ മാര്‍ക്കറ്റ് ഇപ്പോഴും തുറന്നിട്ടുണ്ടെന്ന് വാട്ട്‌സ് പറഞ്ഞു.
പ്രതികരിക്കാൻ ഇവിടെ എഴുതുക: