തിരുവനന്തപുരം: സംസ്ഥാനത്ത് നടന്ന വനംകൊള്ളയ്ക്ക് വേണ്ടി സര്ക്കാര് നിയമലംഘനങ്ങളുടെ ഘോഷയാത്ര നടത്തിയെന്ന് ബിജെപി മുന് സംസ്ഥാന പ്രസിഡന്റ് കുമ്മനം രാജശേഖരന്. മന്ത്രിസഭാ തീരുമാനപ്രകാരം നടന്ന കൊള്ള ഉദ്യോഗസ്ഥന്മാരുടെ തലയിലിട്ട് രക്ഷപ്പെടാനാണ് സര്ക്കാര് ശ്രമിക്കുന്നത്. കേന്ദ്രത്തെ അറിയിക്കാതെ വനത്തിന്റെ പേരില് നിയമം കൊണ്ടു വന്നത് ചട്ടലംഘനമാണ്. സംരക്ഷിത വനങ്ങളിലെ മരം മുറിക്കാനുള്ള അധികാരം എങ്ങനെയാണ് സംസ്ഥാന സര്ക്കാരിന് നല്കാന് സാധിക്കുന്നത്. പാവപ്പെട്ട ആദിവാസികള്ക്കെതിരെ കേസെടുത്തത് സര്ക്കാരിന്റെ അഴിമതി മറയ്ക്കുക എന്ന ലക്ഷ്യത്തോടെയാണ്. യഥാര്ത്ഥ പ്രതികളെ പിടികൂടാതെ ആദിവാസികളെയും കര്ഷകരെയും കള്ളക്കേസില് കുടുക്കി പീഡിപ്പിക്കുകയാണ്.
ആദിവാസികള്ക്ക് വേണ്ട നിയമസഹായം ബിജെപി നല്കും. പൊതുമുതല് നശിപ്പിക്കപ്പെട്ടിരിക്കുകയാണ്. പ്രതികള്ക്ക് ഉന്നത രാഷ്ട്രീയ നേതാക്കളുമായി ബന്ധമുള്ളതിനാല് സര്ക്കാരിന്റെ അന്വേഷണം പര്യാപ്തമല്ല. വനംകൊള്ളയ്ക്കെതിരെ നിയമപോരാട്ടതിന് ബിജെപി തയ്യാറാകുമെന്നും കുമ്മനം രാജശേഖരന് പറഞ്ഞു.
