തിരുവനന്തപുരം: അഴിമതിക്കെതിരായ പോരാട്ടത്തില് പോലീസിന്റെ കൊടിയ മര്ദ്ദനമേറ്റ ജീവിക്കുന്ന രക്തസാക്ഷി രാധേഷിനെ കാണാന് സുരേഷ് ഗോപി വീട്ടിലെത്തി.
പുതിയ സര്ജിക്കല് ബെഡും സഹപ്രവര്ത്തകന് സാന്ത്വനവുമായി സൂപ്പര് എത്തിയപ്പോള് അരയക്കു താഴെ തളര്ന്ന പോരാളിയുടെ ഞരമ്പുകളിള് വീണ്ടും ആവേശോര്ജ്ജം…
2003-ലെ കോവളം കൊട്ടാരം സമരത്തില് അന്ന് യുവമോര്ച്ച സംസ്ഥാന പ്രസിഡന്റായിരുന്ന കെ.സുരേന്ദ്രനും സംസ്ഥാന സെക്രട്ടറിയായിരുന്ന എസ് സുരേഷിനും ഒപ്പം കൊടിയ പോലീസ് മര്ദ്ദനം ഏറ്റുവാങ്ങി ആശുപത്രിയിലും ജയിലിലുമായി അടക്കപ്പെട്ട സഹപ്രവര്ത്തകനാണ് നാട്ടുകാരെല്ലാം കുട്ടന് എന്നു വിളിക്കുന്ന രാധേഷ് കുമാര്
ആ മര്ദ്ദനത്തിന്റെ ക്ഷതം ഞരമ്പുകളെ ബാധിക്കുകയും അരക്കു താഴെ തളര്ന്ന അവസ്ഥയിലാക്കുകയും ചെയ്തു. ആറുവര്ഷമായി കിടക്കയിലാണ് രാധേഷ്..ബിജെപി വെങ്ങാനുര്വാര്ഡ് പ്രസിഡന്റ് . വിഴിഞ്ഞം ഏര്യാ പ്രസിഡന്റ്, കര്ഷകമോര്ച്ച കോവളം മണ്ഡലം ജനറല് സെക്രട്ടറി എന്നീ നിലയില് പ്രവര്ത്തിച്ച കുട്ടന് ഇന്നും കര്മ്മനിരതനാണ്..സോഷ്യല് മീഡിയ, കാള് സെന്റര് പ്രവര്ത്തനനങ്ങളിലാണ് താല്പര്യം….
രാധേഷിന്റെ കാര്യം പറഞ്ഞ മാത്രയില് തന്നെ എനിക്കയാളെ കാണണം എന്ന് പറഞ്ഞ് സുരേഷ് ഗോപി വരുകയായിരുന്നവെന്ന് എസ് സുരേഷ് പറഞ്ഞു..
ഏറ്റവും കഷ്ടത നിറഞ്ഞ ജീവിത സാഹചര്യത്തിലും പ്രസ്ഥാനത്തെ ജീവന് തുല്യം സ്നേഹിക്കുന്ന ഒരു സഹപ്രവര്ത്തകന്റെ സാമിപ്യം പോലും ഞങ്ങളെപ്പോലുള്ള ആയിരങ്ങള്ക്ക് പ്രചോദനമാണെന്നും സുരേഷ് പറഞ്ഞു.
