ചെന്നൈ: മാര്‍ക്സിസത്തിന്റെയും ലെനിനിസത്തിന്റെയും സാന്നിധ്യത്തില്‍ മമത ബാനര്‍ജി സോഷ്യലിസത്തെ കല്യാണം കഴിക്കുകയാണ്. ഞായറാഴ്ചയാണ് വിവാഹം. പേരുകളെല്ലാം കൗതുകമാകുന്ന ഈ വിവാഹം തമിഴ്നാട്ടിലെ സേലം ജില്ലയിലാണ്. ജൂണ്‍ 13 ന് രാവിലെ 7 മണിയോടെ സേലം ജില്ലാ സിപിഎം യൂണിറ്റ് സെക്രട്ടറി എ മോഹന്റെ മകന് എ എം സോഷ്യലിസം, കോണ്‍ഗ്രസ് പ്രവര്‍ത്തകനായ കെ പളനിസാമിയുടെ മകളായ മമത ബാനര്‍ജിയെ വിവാഹം കഴിക്കുന്നത്. വരന്റെ സഹോദരന്‍മാരായ കമ്മ്യൂണിസം, ലെനിനിസം എന്നിവയുടെ സാന്നിധ്യത്തിലാണ് സോഷ്യലിസം മമത ബാനര്‍ജിയെ താലി ചാര്‍ത്തുന്നത്.
ബിഎ ഇംഗ്ലീഷ് ലിറ്ററേച്ചര്‍ ബിരുദധാരിയാണ് മമത ബാനര്‍ജി. അഖിലേന്ത്യാ തൃണമൂല്‍ കോണ്‍ഗ്രസ് രൂപീകരിക്കുന്നതിന് മുമ്പ് ഒരു കാലത്ത് കോണ്‍ഗ്രസ് പാര്‍ട്ടിയുടെ ഭാഗമായിരുന്ന ഫയര്‍ബ്രാന്‍ഡ് പശ്ചിമ ബംഗാള്‍ രാഷ്‌ട്രീയക്കാരിയോടുള്ള ആരാധനമൂത്താണ് പിതാവ് മകള്‍ക്ക് മമത ബാനര്‍ജി എന്ന പേരു നല്‍കിയത്. 1991 ല്‍ സോവിയറ്റ് യൂണിയന്‍ പിരിഞ്ഞപ്പോള്‍ കമ്മ്യൂണിസം അവസാനിച്ചതായി റിപ്പോര്‍ട്ടുകള്‍ പുറത്തു വന്നപ്പോള്‍ എ. മോഹന്റെ ഭാര്യ ഗര്‍ഭിണിയായിരുന്നു, എന്റെ ആദ്യത്തെ കുട്ടിക്ക് ഒരു മകനാണെങ്കില്‍ കമ്മ്യൂണിസം എന്ന് പേരിടാന്‍ ഞാന്‍ തീരുമാനിച്ചു. ലെനിന്റെ സ്മരണയ്‌ക്കായി എന്റെ രണ്ടാമത്തെ മകന് ലെനിനിസം എന്ന് പേരിട്ടു. കമ്യൂണിസം നിലനില്‍ക്കാന്‍ സോഷ്യലിസം ആവശ്യമായിരുന്നെന്നും മൂന്നാമത്തെ മകന് സോഷ്യലിസം എന്ന് പേര് നല്‍കുകയായിരുന്നെന്നും മോഹന്‍.
പീപ്പിള്‍സ് വെല്‍ഫെയര്‍ ഫ്രണ്ടിന്റെ സ്ഥാനാര്‍ത്ഥിയായി 2016 ല്‍ മോഹന്‍ തമിഴ്നാട് നിയമസഭാ തെരഞ്ഞെടുപ്പില്‍ മത്സരിച്ചപ്പോള്‍ മൂന്ന് മക്കളും പിതാവിനായി പ്രചാരത്തിലുണ്ടായിരുന്നു. തിരഞ്ഞെടുപ്പ് സത്യവാങ്മൂലത്തിലാണ് മക്കളുടെ വ്യക്തിത്വം വെളിപ്പെടുത്തിയോതെടെയാണ് ഇവരുടെ പേരുകള്‍ മാധ്യമശ്രദ്ധ നേടിയത. കമ്മ്യൂണിസം പ്രാക്ടീസ് ചെയ്യുന്ന അഭിഭാഷകനാണ്, സഹോദരങ്ങളായ സോഷ്യലിസം, ലെനിനിസം എന്നിവ സേലത്ത് ഒരു വെള്ളി ആഭരണ നിര്‍മ്മാണ യൂണിറ്റ് നടത്തുന്നു. മൂന്ന് സഹോദരങ്ങളില്‍ ഏറ്റവും ഇളയവനാണ് സോഷ്യലിസം. കമ്മ്യൂണിസവും ലെനിനിസവും വിവാഹിതരാണ് കമ്യൂണിസത്തിന് മാര്‍ക്‌സിസം എന്നൊരു മകനുണ്ട്.
പ്രതികരിക്കാൻ ഇവിടെ എഴുതുക