ആലപ്പുഴ: മണ്ണഞ്ചേരി സ്വദേശിനിയായ പട്ടികജാതി വിഭാഗത്തില്പെട്ട യുവതിയെയും ഭര്ത്താവിനെയും തടഞ്ഞ് നിര്ത്തി ആക്രമിച്ച് തലയ്ക്ക് പരിക്കേല്പ്പിച്ച കേസ്സില് പ്രതിയെ അറസ്റ്റ് ചെയ്തു. തലവടി സ്വദേശി ഹുനൈസി(20)നെയാണ് പട്ടികജാതി/പട്ടിക വര്ഗ്ഗ അതിക്രമനിവാരണ നിയമപ്രകാരം ആലപ്പുഴ ഡി.വൈഎസ്പി ഡി.കെ പൃഥ്വിരാജിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. പ്രതികള് കഞ്ചാവ് ഉപയോഗിക്കുന്നത് പോലീസിനെ അറിയിച്ചതിലുള്ള വിരോധത്തില് ജനുവരിയിലാണ് പ്രതിയും സംഘവും കലവൂര് വെച്ച് അക്രമണം നടത്തിയത്.
സംഭവത്തിന് ശേഷം ഒളിവില് പോയ പ്രതിയെ ആഴ്ചകളോളം പിന്തുടര്ന്ന് നടത്തിയ അന്വേഷണത്തിനൊടുവിലാണ് അറസ്റ്റ് ചെയ്യുവാന് സാധിച്ചത്. ആലപ്പുഴ നോര്ത്ത് സ്റ്റേഷനിലെ സി.പിഒമാരായ വിഷ്ണു, ബിനുമോന്, സാഗര്, വികാസ് ആന്റണ്, ശ്യാം എന്നിവരും പ്രതിയെ അറസ്റ്റ് ചെയ്ത പോലീസ് സംഘത്തിലുണ്ടായിരുന്നു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
