കോഴിക്കോട്: സര്‍ക്കാരിന്റെ സൗജന്യ ഭക്ഷ്യകിറ്റില്‍ അടിമുടി വെട്ടിപ്പ്. സര്‍ക്കാര്‍ നിര്‍ദേശിക്കുന്ന തരത്തില്‍ ഒരു ഭക്ഷ്യസാധനത്തിനും തൂക്കമില്ല. തെളിവ് സഹിതം ഫേസ് ബുക്കില്‍ ബിജെപി പുതിയങ്ങാടി ഏരിയ സെക്രട്ടറി കെ.വി. രൂപേഷ് ലൈവ് ഇട്ടതോടെ സപ്ലൈകോ ഉദ്യോഗസ്ഥനെ സ്ഥലം മാറ്റി മുഖം രക്ഷിക്കുകയാണ് സര്‍ക്കാര്‍. ഇതിനോടകം 6.68 ലക്ഷം പേരാണ് വീഡിയോ കണ്ടിരിക്കുന്നത്. പുതിയങ്ങാടി റേഷന്‍ കടയില്‍ നിന്നും വിതരണം ചെയ്ത ഭക്ഷ്യകിറ്റിലാണ് സാധനങ്ങള്‍ക്ക് വലിയതോതില്‍ കുറവുള്ളത്. സപ്ലൈകോ ഔട്ട്ലറ്റില്‍ നിന്ന് പാക്ക് ചെയ്ത വിവിധ സാധനങ്ങളിലാണ് തൂക്ക കുറവുള്ളത്. 100 മുതല്‍ 200ഗ്രാം വരെ സാധനങ്ങള്‍ക്ക് കുറവുണ്ട്.
സര്‍ക്കാരിന്റെയും സപ്ലൈകോയുടെയും വെട്ടിപ്പ് കൈയോടെ പുറത്ത് കൊണ്ടുവന്നതിന് യുവാവിനെതിരെ ഭീഷണിയുമായി സിപിഎം- ഡിവൈഎഫ്ഐ പ്രവര്‍ത്തകര്‍ രംഗത്ത് വന്നിട്ടുണ്ട്. കിറ്റിലൂടെ സര്‍ക്കാര്‍ നടത്തുന്ന വെട്ടിപ്പ് പുറത്ത് കൊണ്ടുവന്ന ബിജെപി ഏരിയ സെക്രട്ടറി കെ.പി. രൂപേഷിനെ ബിജെപി പ്രവര്‍ത്തകര്‍ അനുമോദിച്ചു. ബിജെപി മണ്ഡലം പ്രസിഡന്റ് കെ. ഷൈബു പൊന്നാട അണിയിച്ചു. മണ്ഡലം സെക്രട്ടറി എന്‍.പി. പ്രകാശന്‍, ഏരിയ പ്രസിഡന്റ് ടി. ഷിജു, സെക്രട്ടറി കെ. അജയ്ഘോഷ്, ബൂത്ത് പ്രസിഡന്റുമാരായ കെ. സുനില്‍ ചന്ദ്രന്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: