അരവിന്ദ് മനോജ് സംവിധാനം ചെയ്യുന്ന അരം എന്ന ഹ്രസ്വ ചിത്രത്തിന്റെ ടീസര്‍ ചലച്ചിത്ര താരം നിവിന്‍ പോളി തന്റെ ഫേസ്ബുക് പേജിലൂടെ റിലീസ് ചെയ്തു. സാഗര്‍, സെബാസ്റ്റ്യന്‍ മൈക്കിള്‍, തൊമ്മന്‍, സനില്‍, അംബുജാക്ഷന്‍, ടോബിന്‍ തോമസ് എന്നിവരാണ് ഈ കൊമേഴ്‌സ്യല്‍ ചിത്രത്തിലെ കേന്ദ്ര കഥാപാത്രങ്ങള്‍.
സാധാരണ ഒരു ചന്തയില്‍ നടക്കുന്ന സംഭവങ്ങളുടെ റോ റിയലിസ്റ്റിക് അവതരണമാണ് ഈ ചിത്രത്തിലുള്ളത്. ഒരു സാധാരണ ഹ്രസ്വ ചിത്രത്തില്‍ നിന്നും ഇതിനെ വ്യസ്ത്യസ്തമാക്കുന്നത് ഇതിലെ സംഘട്ടന രംഗങ്ങളാണ്.
വെനീസ് പ്രൊഡക്ഷന്‍സിന്റെ ബാനറില്‍ ഷാന്‍ മജീദും വണ്ടര്‍ ഫ്രെയിംസ് ഫിലിം ലാന്‍ഡും ചേര്‍ന്നാണ് അരം നിര്‍മിച്ചിരിക്കുന്നത്. അരവിന്ദ് മനോജ്, സെബാസ്റ്റ്യന്‍ മൈക്കിള്‍, സച്ചു സെബാസ്റ്റ്യന്‍ എന്നിവര്‍ ചേര്‍ന്നാണ് കഥയും തിരക്കഥയും ഒരുക്കിട്ടുള്ളത്. ഹരികൃഷ്ണന്‍ ലോഹിതദാസ് ഛായാഗ്രാഹണം നിര്‍വഹിക്കുന്നു. എഡിറ്റര്‍- ഫിന്‍ ജോര്‍ജ് വര്‍ഗീസ്സ്, സംഗീതം- ക്രിസ്റ്റി ജോബി, സൗണ്ട് ഡിസൈന്‍- ധനുഷ് നായനാര്‍, കളറിസ്റ്റ്- ലിജു പ്രഭാകരന്‍,വസൗണ്ട് മിക്‌സിങ്- അനീഷ്.
പ്രതികരിക്കാൻ ഇവിടെ എഴുതുക: