തിരുവനന്തപുരം: സ്വാതന്ത്ര്യം ലഭിച്ചതിന്റെ എഴുപത്തിയഞ്ചാം വാര്‍ഷികം രാജ്യമൊട്ടാകെ ആഘോഷിക്കുന്നതിന്റെ ഭാഗമായി ശ്രീ ചിത്ര തിരുനാള്‍ ഇന്‍സ്റ്റിട്യൂട്ടില്‍ , ‘ആസാദി കാ മഹോത്സാവിന്റെ’ സംയുക്ത ‘ലോഗോ’ മോഹന്‍ലാല്‍ പ്രകാശനം ചെയ്തു.
ഓണ്‍ലൈന്‍ ആയി സംസാരിച്ച മോഹന്‍ലാല്‍ ശ്രീ ചിത്ര തിരുനാള്‍ ഇന്‍സ്റ്റിട്യൂട്ടില്‍ സംഘടിപ്പിക്കുന്ന ‘ആസാദി കാ അമൃത് മഹോത്സവ്, എന്ന പരിപാടിയുടെ മഹത്വവും പ്രാധാന്യവും ഓര്‍മിപ്പിക്കുകയും ഹൈബ്രിഡ് ആഘോഷം സംഘടിപ്പിച്ചതിന് അഭിനന്ദിക്കുകയും ചെയ്തു.
ഇന്ത്യ @ 75 ആഘോഷങ്ങളുടെ ഭാഗമായി ശ്രീ ചിത്രയില്‍ നടന്ന വിവിധ ഡിജിറ്റല്‍, സാംസ്‌കാരിക, ഫോട്ടോഗ്രാഫി , പെയിന്റിംഗ് , ലോഗോ മത്സരങ്ങളുടെ സമ്മാനദാനം ടെക്‌നോളജി വിഭാഗം മേധാവി ഹരികൃഷ്ണ വര്‍മ്മ നിര്‍വഹിച്ചു. ചടങ്ങില്‍ ഡയറക്ടര്‍ പ്രൊഫസര്‍ കെ ജയകുമാര്‍ അധ്യക്ഷത വഹിച്ചു. മ്യൂസിക് ക്ലബ് അവതരിപ്പിച്ച ദേശഭക്തി ഗാനങ്ങള്‍ പ്രത്യേക ശ്രദ്ധ ആകര്‍ഷിച്ചു.
പ്രതികരിക്കാൻ ഇവിടെ എഴുതുക: