മുംബൈ: മഹാരാഷ്ട്രയിലെ ജെനറ്റിക് ലൈഫ് സയന്സസ് ബ്ലാക് ഫംഗസിനുള്ള ആംഫോടെറിസിന് ബി ഇന്ജെക്ഷന് ഉല്പാദനം വ്യാഴാഴ്ച ആരംഭിച്ചു.
‘ഈ ഒരു കമ്പനി മാത്രമാണ് ഇപ്പോള് ഇന്ത്യയില് ഈ മരുന്ന് ഉല്പാദിപ്പിക്കുന്നത്. ഇതിന് 7000 രൂപയാണ് വിലയെങ്കിലും ഇപ്പോള് 1200 രൂപയ്ക്ക് ലഭിക്കും,”കേന്ദ്രമന്ത്രി നിതിന് ഗാഡ്കരി പറഞ്ഞു.
കോവിഡിന് വന്നവരെ ബാധിക്കുന്ന മ്യൂകോര്മൈകോസിസ് എന്ന ശാസ്ത്രനാമമുള്ള ബ്ലാക് ഫംഗസ് രോഗത്തിനുള്ള മരുന്നിന് ഇന്ത്യയില് നേരത്തെ ക്ഷാമം നേരിട്ടിരുന്നു. എന്നാല് ഉല്പാദനം ആരംഭിച്ചതോടെ മരുന്ന് ക്ഷാമം മൂലമുള്ള ബുദ്ധിമുട്ടുകളെ മറികടക്കാനാകുമെന്ന് കേന്ദ്രം പ്രതീക്ഷിക്കുന്നു.യുദ്ധകാലാടിസ്ഥാനത്തില് ലോകത്തിന്റെ ഏത് കോണുകളിലേക്കും ഈ മരുന്നെത്തിക്കാന് പ്രധാനമന്ത്രി നരേന്ദ്രമോദി ഉദ്യോഗസ്ഥരോടും നയതന്ത്രപ്രതിനിധികളോടും നിര്ദേശിച്ചു.
ലോകത്തുടനീളമുള്ള ഇന്ത്യയുടെ സ്ഥാനപതി കാര്യാലയങ്ങളും ആവശ്യമുള്ളിടത്ത് അപ്പപ്പോള് മരുന്നെത്തിക്കാനും പ്രധാനമന്ത്രി നിര്ദേശം നല്കി. അമേരിക്കയിലെ ഗീലിയഡ് സയന്സ് എന്ന കമ്പനിയുടെ സഹായത്തോടെയാണ് ഇത് സാധ്യമായതെന്നും മോദി പറഞ്ഞു.
