തിരുവനന്തപുരം: ദേശാഭിമാനിയുടെ പുതിയ ചീഫ് എഡിറ്ററായി കോടിയേരി ബാലകൃഷ്ണനെ തെരഞ്ഞെടുത്തു. ചീഫ് എഡിറ്ററായിരുന്ന പി രാജീവ് മന്ത്രിയാകുന്ന സാഹചര്യത്തിലാണ് കോടിയേരിക്ക് പുതിയ ചുമതല നല്‍കിയത്. ദേശാഭിമാനിയുടെ ചീഫ് എഡിറ്റര്‍ ചുമതല നല്‍കിയതിലൂടെ വീണ്ടും പാര്‍ട്ടി സെക്രട്ടറിയാകാനുള്ള കോടിയേരിയുടെ മോഹംകൂടിയാണ് സിപിഎം തകര്‍ത്തത്.
ബിനീഷ് കോടിയേരി മയക്കുമരുന്ന് വ്യാപാരത്തിലൂടെ പണം നേടിയെന്ന ആരോപണം ഉയര്‍ന്നതോടെയാണ് കോടിയേരി സംസ്ഥാന സെക്രട്ടറി സ്ഥാനം ഒഴിഞ്ഞത്. തുടര്‍ന്ന് ആ സ്ഥാനം എ. വിജയരാഘവനാണ് വഹിക്കുന്നത്. രണ്ടാം പിണറായി സര്‍ക്കാര്‍ അധികാരമേല്‍ക്കുന്നതിന് പിന്നാലെ വീണ്ടും കോടിയേരി പാര്‍ട്ടിയുടെ തലപ്പത്ത് എത്താന്‍ ചരടുവലികള്‍ നടത്തിയിരുന്നു. ഈ നീക്കം മുളയിലെ നുള്ളിയാണ് സിപിഎം സംസ്ഥാന സെക്രട്ടറിയറ്റ് പുതിയ തീരുമാനം പ്രഖ്യാപിച്ചത്. .
പ്രതികരിക്കാൻ ഇവിടെ എഴുതുക: