നായാട്ടിലെ ഡിജിപിക്ക് പിന്നാലെ ലാല്‍ബാഗ് എന്ന സിനിമയില്‍ മറ്റൊരു പ്രധാന കഥാപാത്രത്തെ അവതരിപ്പിക്കാന്‍ ഒരുങ്ങി അജിത് കോശി. തമിഴനായ വെങ്കിടേഷ് സുബ്രഹ്മണ്യന്‍ എന്ന കഥാപാത്രത്തെയാണ് അജിത് കോശി ലാല്‍ബാഗില്‍ അവതരിപ്പിക്കുന്നത്.
പ്രശാന്ത് മുരളി പത്മനാഭനാണ ചിത്രത്തിന്റെ രചനയും സംവിധാനവും നിര്‍വ്വഹിക്കുന്നത്. സൈക്കോളജിക്കല്‍ ത്രില്ലര്‍ ചിത്രം കൂടിയാണ് ഇത്.
മമ്ത മോഹന്‍ ദാസാണ് കേന്ദ്രകഥാപാത്രത്തെ അവതരിപ്പിക്കുന്നത്. ബെംഗളൂരുവില്‍ ചിത്രീകരിച്ച സിനിമയില്‍ സിജോയ് വര്‍ഗീസ്, രാഹുല്‍ മാധവ്, നന്ദിനി റായ്, നേഹാ സക്‌സേന, രാഹുല്‍ ദേവ് ഷെട്ടി, വി കെ പ്രകാശ്, സുദീപ് കാരക്കാട്ട്, എന്നിവരാണ് മറ്റു പ്രമുഖ താരങ്ങള്‍.
സെലിബ്സ് ആന്‍ഡ് റെഡ്കാര്‍പെറ്റ് ഫിലിംസിന്റെ ബാനറില്‍ രാജ് സഖറിയാസ് നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം ആന്റണി ജോ നിര്‍വ്വഹിക്കുന്നു. ഗാനരചന- അജീഷ് ദാസന്‍, സംഗീതം- രാഹുല്‍ രാജ്, വാര്‍ത്താപ്രചരണം എ.എസ്. ദിനേശ്.
പ്രതികരിക്കാൻ ഇവിടെ എഴുതുക: