പാലക്കാട്: കേരളത്തില്‍ മുസ്ലിം വിഭാഗത്തിന് കൂട്ടായി താമസിക്കാനുള്ള ചില ശക്തികളുടെ നീക്കത്തിന് ആക്കം പകര്‍ന്ന് കൂടുതല്‍ പദ്ധതികള്‍ നടപ്പാകുന്നു. മുസ്ലിം പള്ളികള്‍, മദ്രസകള്‍ എന്നിവയ്‌ക്ക് ചുറ്റം നൂറു കണക്കിന് വീടുകള്‍ നിര്‍മിച്ച് തീരെ വിലകുറച്ച് വില്‍ക്കുന്നതാണ് രീതി. ഇതു ശരിയെന്ന് തെളിയിക്കുന്ന ഒരു പരസ്യമാണ് ഇപ്പോള്‍ സോഷ്യല്‍ മീഡിയയില്‍ വിവാദമായിരിക്കുന്നത്.
പാലക്കാട് പുതുശ്ശേരിയില്‍ ബസ് റൂട്ടിന് സമീപം രണ്ടര ഏക്കര്‍ സ്ഥലത്തില്‍ ജുമാ മസ്ജിദും മദ്രസയും ചുറ്റും 55 വീടുകളുടേയും പ്രോജക്റ്റ് എന്നതാണ് പരസ്യം. ഇനി നിങ്ങള്‍ക്കും സ്വന്തമാക്കാം പള്ളിയുടെ പരിസരത്തില്‍ വീട് നിര്‍മിക്കാന്‍ അനുയോജ്യമായ ഹൗസ പ്ലോട്ടുകള്‍ എന്നും പരസ്യത്തില്‍ പറയുന്നു. വെറും 15,000 രൂപ പലിശ ഇല്ലാതെ മാസത്തവണ അടച്ച് പള്ളി, മദ്രസ എന്നീ സൗകര്യങ്ങളോട് കൂടി നിങ്ങള്‍ക്കും ഇനി വീട് പാര്‍ക്കാം എന്നും പരസ്യത്തില്‍ വ്യക്തമാക്കുന്നു. നാലു സെന്റ് സ്ഥലത്തിന് വെറും മൂന്നരലക്ഷം മാത്രമാണ് വില.
ഈ പരസ്യത്തിനേതിരേ സമൂഹമാധ്യമങ്ങളില്‍ ഇതിനകം വിമര്‍ശനം ഉയര്‍ന്നിട്ടുണ്ട്. ഇതു ഒരു തരം ജിഹാദ് ആണെന്നാണ് പലരുടേയും അഭിപ്രായം മതേതരത്വം വിളമ്പുന്ന കേരളത്തില്‍ ഇത്തരത്തില്‍ ഒരു മതസ്ഥര്‍ക്കായി മാത്രം കൂട്ടമായി താമസിക്കാനുള്ള പ്രോജക്റ്റുകള്‍ ഈ കാലത്ത് നടപ്പാക്കുന്നതിന് പിന്നില്‍ വലിയ അജണ്ട ഉണ്ടെന്നാണ് ഇവര്‍ പറയുന്നത്.
പ്രതികരിക്കാൻ ഇവിടെ എഴുതുക: