കൊട്ടാരക്കര: കാടാംകുളത്ത് കൊവിഡ് പോസിറ്റീവായി മരിച്ച അമൃത് ഭവനില് ഗോപാലിന്റെ സംസ്കാരം ഏറ്റെടുത്തു നടത്തി സേവാഭാരതി കൊട്ടാരക്കര മുന്സിപ്പാലിറ്റി യൂണിറ്റ്. ടെസ്റ്റ്റിസള്ട്ട് പോസിറ്റീവായതിനെ തുടര്ന്ന് കൊവിഡ് നിര്ദ്ദേശങ്ങള് പാലിച്ചു ഭൗതിക ശരീരം ഏറ്റുവാങ്ങി കാടാംകുളത്തുള്ള വീട്ടുപറമ്പില് കൊണ്ടുവന്നു സംസ്കരിക്കുകയായിരുന്നു.
സേവാഭാരതി മുന്സിപ്പല് സെക്രട്ടറി ജെ.ആര്. അജിത്, കാടാകുളം ബേബി, കൗണ്സിലര് ഗിരീഷ്, ദീപു, ബിജു, കാര്ത്തിക്, രാജേഷ്ബാബു, ശ്രീജിത്ത് എന്നിവരുടെ നേതൃത്വത്തിലായിരുന്നു സംസ്കാരം. കൊവിഡ് അതിവ്യാപന സാഹചര്യം കണക്കിലെടുത്ത് സേവാഭാരതി കൊട്ടാരക്കര മുന്സിപ്പാലിറ്റി ഹെല്പ് ഡസ്ക് രൂപീകരിച്ച് വിവിധ സേവന പ്രവര്ത്തനങ്ങള് നടത്തുകയാണ്.
കഴിഞ്ഞ ദിവസങ്ങളില് റെയില്വെ സ്റ്റേഷനിലും ആയുര്വേദ ആശുപത്രിയിലും കൊവിഡ് നെഗറ്റീവായ വീടുകളിലും അണുനശീകരണം നടത്തിയിരുന്നു. കൊവിഡ് ടെസ്റ്റ്, വാക്സിനേഷന് എന്നീ ആവശ്യത്തിനായുള്ള വാഹനസൗകര്യവും സജ്ജമാണെന്ന് ഭാരവാഹികള് അറിയിച്ചു. 9349812601, 9747219582
