കോട്ടയം : മന്ത്രി എംഎം മണിയുടെ പൈലറ്റ് ഡ്യൂട്ടിക്കായി പോയ പോലീസ് ജീപ്പ് തലകീഴായി മറിഞ്ഞ് മൂന്ന് പൊലീസുകാര്ക്ക് പരിക്കേറ്റു.
കോട്ടയം ചങ്ങനാശേരിക്ക് സമീപം മാമ്മൂട്ടിലാണ് സംഭവം. ഞായറാഴ്ച വൈകുന്നേരം നാലരയോടെയാണ് അപകടമുണ്ടായത്.
തൃക്കൊടിത്താനം പോലീസ് സ്റ്റേഷനിലെ ജീപ്പാണ് അപകടത്തിൽപ്പെട്ടത്. എസ്ഐ അടക്കം മൂന്ന് പോലീസ് ഉദ്യോഗസ്ഥരാണ് വാഹനത്തിൽ ഉണ്ടായിരുന്നു. നിയന്ത്രണം വിട്ട് ജീപ്പ് തലകീഴായി മറിയുകയായിരുന്നുവെന്നാണ് പ്രാഥമിക നിഗമനം. പരിക്കേറ്റ പോലീസുകാർക്ക് പ്രഥമ ശുശ്രൂഷ നൽകി വിട്ടയച്ചു.
