ജനീവ: കൊവിഡിന്റെ ഇന്ത്യന് വകഭേദം ബി. 1.617 വകഭേദം ആഗോള ഉത്കണ്ഠയെന്ന് ലോകാരോഗ്യസംഘടന (ഡബ്ല്യു.എച്ച്.ഒ.). മറ്റു വൈറസുകളെ അപേക്ഷിച്ച് ഇതിന്റെ അപകട വ്യാപ്തി കൂടുതലാണ്. കൂടാതെ, വാക്സിന് നല്കുന്ന സുരക്ഷയെ മറികടക്കാന് ശക്തമായതുമാണ് ഈ വകഭേദം എന്നു ഡബ്ല്യു.എച്ച്.ഒ വിലയിരുത്തുന്നു. ഡബ്ല്യു.എച്ച്.ഒ. ആഗോള ഉത്കണ്ഠയായി തരംതിരിക്കുന്ന നാലാമത്തെ വകഭേദമാണിത്.
ബി.1.617-ന്റെ മൂന്ന് വകഭേദങ്ങളും ഇതുവരെ ഇന്ത്യയില് കണ്ടെത്തി. ബി.1.617.1, ബി.1.617.2, ബി.1.617.3 എന്നിവയാണവ. ഏറ്റവും രോഗവ്യാപനമുണ്ടായ മഹാരാഷ്ട്രയിലെ 50 ശതമാനം പേരെയും ബാധിച്ചത് ഇന്ത്യന് വകഭേദമാണ്. 44 രാജ്യങ്ങളില് നിന്നുള്ള സാമ്പിളുകളില് ഓപ്പണ് ആക്സസ് ഡാറ്റാബേസിലേക്ക് അപ്ലോഡ് ചെയ്തപ്പോള് അതില് 4,500 ലധികം സാമ്പിളുകളില് ഒക്ടോബറില് ഇന്ത്യയില് കണ്ടെത്തിയ കൊവിഡ് -19 ന്റെ ബി .1.617 വേരിയന്റ് ഉള്ളതായി ലോകാരോഗ്യസംഘടന അറിയിച്ചു.
അഞ്ചിലധികം രാജ്യങ്ങളില് നിന്ന് ഈ വകഭേദം കണ്ടെത്തിയതായി ലോകാരോഗ്യസംഘടനയുടെ റിപ്പോര്ട്ടുകള് പറയുന്നു. യഥാര്ത്ഥ വൈറസിനേക്കാള് എളുപ്പത്തില് പകരുന്നതായി തോന്നുന്നതിനാലാണ് ബി1.617 പട്ടികയില് ചേര്ത്തിരിക്കുന്നതെന്ന് ലോകാരോഗ്യ സംഘടന വിശദീകരിച്ചു, ”ഒന്നിലധികം രാജ്യങ്ങളില് വ്യാപകമായ വര്ദ്ധനവ്” ചൂണ്ടിക്കാണിക്കുന്നു.
മോണോക്ലോണല് ആന്റിബോഡി ബാംലാനിവിമാബിനോടൊപ്പമുള്ള ചികിത്സയെ ഈ വേരിയന്റ് കൂടുതല് പ്രതിരോധിക്കുമെന്നതിന്റെ പ്രാഥമിക തെളിവുകള് ലോകാരോഗ്യ സംഘടന ചൂണ്ടിക്കാട്ടി.
