മസ്‌കത്ത്: ഒമാനില്‍ കൊവിഡ് ബാധിച്ച്‌ ഒരു മലയാളി നഴ്‌സ് കൂടി മരിച്ചു. കോഴിക്കോട് കൂരാച്ചുണ്ട് സ്വദേശി രമ്യ റജുലാല്‍ ആണ് മരിച്ചത്. ഞായറാഴ്ച രാത്രി ഏഴരയോടെയാണ് അന്ത്യം. റുസ്താഖ് ആശുപത്രിയിലെ സ്റ്റാഫ് നഴ്‌സ് ആിരുന്നു. റുസ്താഖ് ആശുപത്രിയിലെ വെന്റിലേറ്ററില്‍ കഴിയുകയായിരുന്നു രമ്യ.
കോഴിക്കോട് ബാലുശേരി സ്വദേശിയായ റജുലാല്‍ ആണ് ഭര്‍ത്താവ്. ഒരു മകളുണ്ട്. കുടുംബ സമേതം റുസ്താഖില്‍ താമസിച്ച്‌ വരികയായിരുന്നു. നേരത്തെ കോഴിക്കോട് സ്വകാര്യ ആശുപത്രിയിലും രമ്യ സേവനം അനുഷ്ടിച്ചിട്ടുണ്ട്.
ഇതുവരെ ഒമാനില്‍ കൊവിഡ് ബാധിച്ച്‌ മൂന്ന് മലയാളി ആരോഗ്യ പ്രവര്‍ത്തകരാണ് മരിച്ചത്. ഡോ. രാജേന്ദ്രന്‍ നായര്‍, സിനാവ് ആശുപത്രിയില്‍ നഴ്‌സായി ജോലി ചെയ്തിരുന്ന പത്തനംതിട്ട സ്വദേശിനി ആനന്ദപ്പള്ളി കോളഞ്ഞികൊമ്ബില്‍ ബ്ലെസി തോമസ് എന്നിവരാണ് നേരത്തെ മരിച്ചവര്‍.
പ്രതികരിക്കാൻ ഇവിടെ എഴുതുക: