തിരുവനന്തപുരം: അധികാരം ജനാധിപത്യത്തെ കശാപ്പുചെയ്യാനുള്ള ലൈസന്‍സായി മമത കരുതരുതെന്ന് ബിജെപി ദേശീയ നിര്‍വ്വാഹക സമിതി അംഗം പി.കെ. കൃഷ്ണദാസ്. ബംഗാളില്‍ കേന്ദ്രമന്ത്രി വി. മുരളീധരനെതിരെ നടന്ന അതിക്രമത്തിന് പിന്നില്‍ മമത തീറ്റിപോറ്റുന്ന മതഭീകരവാദികളാണ്.
ദേശീയധാരയില്‍ നിന്ന് പശ്ചിമ ബംഗാളിനെ അകറ്റി വിഭജനത്തിന്റെ വിത്തുവിതയ്‌ക്കാനാണ് മമത ശ്രമിക്കുന്നത്. ഇത് പല്ലും നഖവും ഉപയോഗിച്ച് എതിര്‍ക്കേണ്ടതാണ്. ബംഗാളിലെ അക്രമങ്ങള്‍ക്കെതിരെ കേരളത്തിലെ മാധ്യമങ്ങള്‍ തുടരുന്ന കുറ്റകരമായ മൗനം ഉപേക്ഷിക്കണം. കൊല്ലപ്പെടുന്ന ബിജെപി പ്രവര്‍ത്തകരും മനുഷ്യരാണ്. ബിജെപി പ്രവര്‍ത്തകര്‍ മാത്രമല്ല സിപിഎം, കോണ്‍ഗ്രസ്സ് പ്രവര്‍ത്തകരും ആക്രമിക്കപ്പെടുകയാണ്.
ജനാധിപത്യത്തെ അസ്ഥിരപ്പെടുത്താനുള്ള നീക്കം രാജ്യം ഒന്നടങ്കം എതിര്‍ക്കണമെന്നും അദ്ദേഹം പ്രസ്താവിച്ചു.
പ്രതികരിക്കാൻ ഇവിടെ എഴുതുക: