ചെന്നൈ: ദ്രാവിഡക്കോട്ടയായ തമിഴ്നാട്ടില്‍ ഒരിയ്‌ക്കലും കഴിയില്ലെന്ന് കരുതിയ മുന്നേറ്റം ബിജെപി ഇക്കുറി നേടുകയാണ്. വെറും പൂജ്യം സീറ്റ് നേടിയ 2016ല്‍ നിന്നും 2021ലെത്തുമ്പോള്‍ ബിജെപി വ്യക്തമായ ലീഡോടെ അഞ്ച് മണ്ഡലങ്ങളില്‍ മുന്നിട്ട് നില്‍ക്കുന്നു.
ഇവിടെ ബിജെപിയ്ക്ക് മേല്‍വിലാസമുണ്ടാക്കുന്നതില്‍ വലിയൊരു പങ്കുവഹിച്ച ബിജെപിയുടെ പുതിയ സംസ്ഥാന അധ്യക്ഷന്‍ എല്. മുരുകന് ധാരാപുരത്ത് വ്യക്തമായ ലീഡോടെ മുന്നിട്ട് നില്‍ക്കുകയാണ്. ഇവിടെ ഡിഎംകെയുടെ കായല്‍വിഴിയെയാണ് പിന്നിലാക്കിയത്.അഭിഭാഷകനായ ഇദ്ദേഹം മദ്രാസ് ഹൈക്കോടതിയില്‍ അഭിഭാഷകനാണ്. ഇപ്പോള്‍ നിയമത്തില്‍ ഡോക്ടറേറ്റ് നേടാനുള്ള പഠനത്തിലാണ്. ആര്‍എസ് എസിലൂടെയാണ് മുരുകന് ബിജെപി രാഷ്‌ട്രീയത്തിലേക്കെത്തുന്നത്.
ബിജെപിയുടെ മറ്റൊരു വിജയപ്രതീക്ഷയായിരുന്ന നടി ഖുശ്ബുവിന് പക്ഷെ തൗസന്‍റ് ലൈറ്റ്‌സില്‍ കാലിടറി. ഇവിടെ ഡിഎംകെയുടെ ഏഴിലനാണ് മുന്നില്‍. ഉദഗമണ്ഡലത്തില്‍ ബിജെപിയുടെ ഭോജരാജന്‍ മുന്നിലാണ്. ഇവിടെ കോണ്‍ഗ്രസിന്റെ ഗണേഷിനെയാണ് പിന്നിലാക്കിയത്. മൊടക്കുറിച്ച് മണ്ഡലത്തില്‍ ബിജെപിയുടെ സരസ്വതി സി മുന്നിലാണ്. ഇവിടെ ഡിഎംകെയുടെ സുബ്ബുലക്ഷ്മി ജഗദീശനെയാണ് പിന്നിലാക്കിയിരിക്കുന്നത്.
പ്രതികരിക്കാൻ ഇവിടെ എഴുതുക: