കാലടി: മഞ്ഞപ്രയില്‍ യുവാവിനെ ആക്രമിച്ച് പരിക്കേല്‍പ്പിച്ച കേസില്‍ രണ്ടാം പ്രതി പിടിയില്‍. മഞ്ഞപ്ര സെബിപുരം കൊടുങ്ങൂക്കാരന്‍ വീട്ടില്‍ ബെറ്റിന്‍ (40) ആണ് പിടിയിലായത്. സംഭവുമായി ബന്ധപ്പട്ട് ക്രിസ്റ്റിന്‍, ആഷിക്, സേവ്യര്‍, ടോണി, റെജി എന്നിവരെ നേരത്തെ പിടികൂടിയിരുന്നു.
മഞ്ഞപ്രയില്‍ മറ്റൂര്‍ തോട്ടകം പള്ളിപ്പാടന്‍ വീട്ടില്‍ ഗോള്‍ബിനെയാണ് സംഘം ആക്രമിച്ചത്. അക്രമണത്തില്‍ ഗുരുതര പരിക്കേറ്റ ഗോള്‍ബിന്‍ ചികിത്സയിലാണ്.
മാണിക്യമംഗലം ബേബിക്കവല ഷൈജു എന്നയാളുടെ വീട്ടില്‍ അതിക്രമിച്ചു കയറി ദേഹോപദ്രവം ചെയ്ത ശ്യാം, ബെറ്റിന്‍ എന്നിവരടങ്ങിയ സംഘത്തിനെതിരെ പോലീസില്‍ പരാതി നല്‍കാന്‍ പറഞ്ഞതിലുള്ള വിരോധമാണ് ഗോള്‍ബിനെ ആക്രമിക്കാന്‍ കാരണം.
റൂറല്‍ ജില്ലാ പോലീസ് മേധാവി കെ. കാര്‍ത്തിക്കിന്റെ നേതൃത്വത്തിലുള്ള പ്രത്യേക അന്വേഷണ സംഘത്തില്‍ കാലടി ഇന്‍സ്പെക്ടര്‍ ബി. സന്തോഷ്, സബ് ഇന്‍സ്പെക്ടര്‍മാരായ പ്രശാന്ത് ബി. നായര്‍, അഭിജിത്ത്, എന്‍. രാജേന്ദ്രന്‍ എഎസ്‌ഐ അബ്ദുള്‍ സത്താര്‍, എസ്‌സിപിഒമാരായ നജാഷ്, അനില്‍കുമാര്‍ എന്നിവരുമുണ്ടായിരുന്നു.
പ്രതികരിക്കാൻ ഇവിടെ എഴുതുക: