ന്യൂദല്ഹി: പ്രധാനമന്ത്രി നരേന്ദ്ര മോദിയുടെ പിഎം കെയേഴ്സിലേക്ക് 50000 ഡോളര് സംഭാവന നല്കി ഓസീസ് ക്രിക്കറ്റര് പാറ്റ് കമ്മിന്സ്. ഐപിഎല്ലിനായി ഇപ്പോള് ഇന്ത്യയിലാണ് കോല്ക്കറ്റ നൈറ്റ് റൈഡേഴ്സ് താരം കമ്മിന്സ്. കോവിഡ് പ്രതിരോധത്തിനും ഓക്സിജന് അടക്കം ആവശ്യങ്ങള്ക്കും ഇപ്പോള് ഇന്ത്യക്ക് സഹായം ആവശ്യമാണ്. ആവശ്യമുള്ള സമയത്ത് ഇന്ത്യയെ സഹായിക്കണമെന്ന് സഹ ഐപിഎല് ക്രിക്കറ്റ് കളിക്കാരോടും കമ്മിന്സ് അഭ്യര്ത്ഥിക്കുകയും ചെയ്തു.
കോവിഡ് വ്യാപനം വര്ധിക്കുന്ന സാഹചര്യത്തില് ഇന്ത്യയില് ഐപിഎല് കളിക്കുന്നത് ശരിയാണോ എന്നതടക്കം ചര്ച്ചകള് നടക്കുന്നുണ്ട്. എന്നാല്, ജനങ്ങള് ലോക്ക്ഡൗണിലടക്കം ബുദ്ധിമുട്ട് അനുഭവിക്കുമ്പോള് അവര്ക്ക് കുറച്ചു മണിക്കൂര് വിനോദ ഉപാധിയായി ഐപിഎല് മാറുന്നതില് സന്തോഷമുണ്ടെന്നാണ് തന്റെ അഭിപ്രായമെന്ന് കമ്മിന്സ് ട്വീറ്റ് ചെയ്തു. ഇന്ത്യയുടെ അഭിനിവേശവും ഊര്ജവും അനുഭവിച്ചിട്ടുള്ളവര് എന്തായാലും ഇന്ത്യയെ സഹായിക്കുമെന്നും കമ്മിന്സ്.
