ന്യൂദല്‍ഹി : രാജ്യം ഇപ്പോള്‍ കടന്നുപോകുന്നത് ദുഷ്‌കരമായ അവസ്ഥയില്‍. കോവിഡ് പ്രതിരോധത്തിനായി ബിജെപി എംപി ഗൗതം ഗംഭീറിന്റെ ഫൗണ്ടേഷന് ഒരു കോടി രൂപ സംഭാവന നല്‍കി ബോളീവുഡ് താരം അക്ഷയ് കുമാര്‍. സംഭാവന സ്വീകരിച്ചശേഷം മുന്‍ ക്രിക്കറ്റ് താരം തന്നെയാണ് ട്വിറ്ററിലൂടെ ഇക്കാര്യം അറിയിച്ചത്.
അക്ഷയ് കുമാറിനെ നന്ദി അറിയിച്ച അദ്ദേഹം ഈ പ്രതിസന്ധി ഘട്ടത്തില്‍ ലഭിക്കുന്ന എല്ലാ സഹായവും പ്രതീക്ഷയുടെ കിരണമാണ് നല്‍കുന്നതെന്നും ഗൗതം ഗംഭീര്‍ അറിയിച്ചു. പാവപ്പെട്ടവര്‍ക്ക് ഭക്ഷണവും മരുന്നും ഓക്സിജനും എത്തിക്കാന്‍ തങ്ങളുടെ ഫൗണ്ടേഷന് ഒരു കോടി രൂപ നല്‍കിയ അക്ഷയ് കുമാറിന് ഒരുപാട് നന്ദി. ദൈവം അനുഗ്രഹിക്കട്ടെ എന്നും അദ്ദേഹം ട്വീറ്റ് ചെയ്തു.
രാജ്യം അഭിമുഖീകരിക്കുന്നത് വളരെ ദുഷ്‌കരമായ അവസ്ഥയാണ്. പ്രതിസന്ധിയില്‍ സഹായിക്കാന്‍ സാധിച്ചതില്‍ അതിയായ സന്തോഷം തോന്നുന്നു. ഉടന്‍ തന്നെ ഈ പ്രതിസന്ധിയില്‍ നിന്നും നമുക്ക് കരകയറാന്‍ സാധിക്കട്ടെ. സുരക്ഷിതമായി ഇരിയ്‌ക്കുകയെന്നും ഗൗതം ഗംഭീറിന്റെ ട്വീറ്റിന് മറുപടിയായി അക്ഷയ്കുമാറും റീട്വീറ്റ് ചെയ്തു.
പ്രതികരിക്കാൻ ഇവിടെ എഴുതുക: