തിരുവനന്തപുരം: കൊറോണ വാക്സിന് നയത്തില് രാഷ്ട്രീയം കളിക്കുന്ന മുഖ്യമന്ത്രി പിണറായി വിജയനെതിരെ രൂക്ഷവിമര്ശനവുമായി ബിജെപി സംസ്ഥാന അധ്യക്ഷന് കെ.സുരേന്ദ്രന്. ഓഖി ദുരന്തമുണ്ടായപ്പോള് വൃത്തികെട്ട രാഷ്ട്രീയം കളിച്ചു, കോവിഡിന്റെ രണ്ടാം വരവിലും പിമറായി അത് തുടരുകയാണ്. പക്ഷെ ഓരോന്നു കഴിയുമ്പോഴും മോദിയുടെ ജനപിന്തുണ കൂടുകയാണെന്ന് മുഖ്യമന്ത്രി ഓര്ക്കണമെന്നും സുരേന്ദ്രന് പറഞ്ഞു. ഫേസ്ബുക്ക് പോസ്റ്റിലൂടെയാണ് അദേഹം വിമര്ശനം ഉന്നയിച്ചത്.
ഓഖി ദുരന്തമുണ്ടായപ്പോള് ഈ വൃത്തികെട്ട രാഷ്ട്രീയം നിങ്ങള് കളിച്ചു. രണ്ടു മഹാപ്രളയത്തിലും ഇതുതന്നെ നിങ്ങള് ആവര്ത്തിച്ചു. പ്രവാസികളെ തിരിച്ചെത്തിക്കുന്നതിലും ഈ നാറിയ കളി തന്നെ നിങ്ങള് തുടര്ന്നു. ഇപ്പോള് കോവിഡിന്റെ രണ്ടാം വരവിലും ഇതു നിങ്ങള് തുടരുകയാണ്. ഓരോന്നു കഴിയുമ്പോഴും മോദിയുടെ ജനപിന്തുണ കൂടുകയാണെന്ന് നിങ്ങള് ഓര്ക്കണം. മിസ്റ്റര് പിണറായി വിജയന് പൊതുജനം കഴുതയാണെന്ന് കരുതുന്ന നിങ്ങള്ക്കാണ് ആ പേരിന് ഏറ്റവും യോഗ്യത. ആസ്ഥാനഗായക സംഘത്തിനും പി. ആര്. പ്രമാണിമാര്ക്കും നല്ല നമസ്കാരം. ഈ കാലവും കടന്നുപോകും മോദിയോടൊപ്പം നന്മയോടൊപ്പം. മനോരോഗികള് വീണ്ടും വീണ്ടും കരഞ്ഞു കരഞ്ഞു തളരും.. സുരേന്ദ്രന് ഫേസ്ബുക്കില് കുറിച്ചു.
കേന്ദ്ര സര്ക്കാരിന്റെ വാക്സിന് നയത്തിനെതിരെ വാസ്തവ വിരുദ്ധ പ്രചരണമാണ് സിപിഎം നടത്തുന്നത്. ഈ മാസം 28 ന് വീട്ട് മുറ്റങ്ങളില് ഇരുന്ന് പ്ലക്കാര്ഡ് ഉയര്ത്തി പ്രതിഷേധിക്കാനാണ് സിപിഎം പ്രവര്ത്തകോട് ആഹ്വാനം ചെയ്തിരിക്കുന്നത്.
