പാറ്റ്ന: ബീഹാറി ക്ഷേത്രത്തിനുള്ളില് പൂജാരിമാര് അതിക്രൂരമായി കൊല്ലപ്പെട്ട നിലയില്. മധുഭാനി ജില്ലയിലെ ധരോഹര് മഹാദേവ ക്ഷേത്രത്തിലെ രണ്ട് പൂജാരിമാരെയാണ് തലയറുത്ത് കൊലപ്പെടുത്തിയത്. പുലര്ച്ചയോടെയാണ് ഇരുവരെയും മരിച്ച നിലയില് കണ്ടെത്തിയത്.
സിരിയാപൂര് സ്വദേശി ഹിരനാഥ് ദാസ് (65), ഭഗവാന്പൂര് സ്വദേശി ആനന്ദ് മിശ്ര എന്നിവരാണ് കൊല്ലപ്പെട്ടത്. തല അറുത്തു മാറ്റിയ നിലയിലായിരുന്നു ഇരുവരുടെയും മൃതദേഹങ്ങള് കാണപ്പെട്ടത്. മൃതദേഹങ്ങള് പോസ്റ്റുമോര്ട്ടത്തിനായി ആശുപത്രിയിലേക്ക് മാറ്റി.
സംഭവത്തില് പോലീസ് അന്വേഷണം ആരംഭിച്ചു. മൂര്ച്ഛയേറിയ ആയുധം ഉപയോഗിച്ചാണ് പ്രതികള് കൃത്യം നടത്തിയതെന്ന് ഖിര്ഹാര് പോലീസ് സ്റ്റേഷന് എസ്ഐ അജ്ഞേഷ് കുമാര് പറഞ്ഞു. കൊലപാതകത്തിന് പിന്നില് മോഷണ ശ്രമമാണോ എന്നുള്പ്പെടെയുള്ള കാര്യങ്ങള് പോലീസ് അന്വേഷിക്കുന്നുണ്ട്. അന്വേഷണത്തിന്റെ ഭാഗമായി പ്രദേശത്തെ സിസിടിവി ദൃശ്യങ്ങള് പരിശോധിച്ച് വരികയാണ്.
