ന്യൂദല്ഹി : സിപിഎം ജനറല് സെക്രട്ടറി സീതാറാം യെച്ചൂരിയുടെ മകന് ആശിഷ് യെച്ചൂരി കോവിഡ് ബാധിച്ച് മരിച്ചു. കൊറോണ വൈറസ് രോഗബാധയെ തുടര്ന്ന് ദല്ഹി ഗുഡ്ഗാവിലെ മേദാന്ത മെഡിസിറ്റിയില് ചികിത്സയിലായിരുന്നു.
33കാരനായ ആശിഷ് മാധ്യമ പ്രവര്ത്തകനാണ്. രോഗബാധയെ തുടര്ന്ന് രണ്ടാഴ്ചയായി ഐസിയുവിലായിരുന്നു. ഇന്ന് പുലര്ച്ചെ ആരോഗ്യസ്ഥിതി ഗുരുതരമാവുകയും മരണം സംഭവിക്കുകയുമായിരുന്നു. മറ്റ് അസുഖങ്ങളും ആശിഷിനുണ്ടായിരുന്നു. ഇന്ദ്രാണി മജുംദാറാണ് ആശിഷിന്റെ അമ്മ. സ്വാതിയാണ് ഭാര്യ. അഖില യെച്ചൂരി സഹോദരിയാണ്.
ടൈംസ് ഓഫ് ഇന്ത്യ, ന്യൂസ് 18 ഏഷ്യാവില് ഇംഗ്ലീഷിലു ആശിഷ് പ്രവര്ത്തിച്ചിട്ടുണ്ട്. മകന് കൊവിഡ് ബാധിച്ചതിനെത്തുടര്ന്ന് സീതാറാം യെച്ചൂരി സ്വയം ക്വാറന്റീനിലായിരുന്നു. പശ്ചിമബംഗാളിലെ തെരഞ്ഞെടുപ്പ് പ്രചാരണത്തില് യെച്ചൂരി പങ്കെടുത്തിരുന്നില്ല.
യച്ചൂരിയുടെ മകന്റെ മരണത്തില് പ്രധാനമന്ത്രി നരേന്ദ്രമോദി അനുശോചിച്ചു. അകാലത്തിലുള്ള വേര്പാടിന്റെ വേദനയില് പങ്കുകൊള്ളുന്നതായി മോദി അനുശോചന സന്ദേശത്തില് പറഞ്ഞു
