മുംബൈ: മഹാരാഷ്ട്രയിലെ വാന്ഗണിയില് ട്രാക്കില് വീണ കുട്ടിയെ സാഹസികമായി രക്ഷിച്ച റെയില്വേ ജീവനക്കാരന് മയൂര് ഷില്ഖേയ്ക്ക് സമ്മാന പ്രവാഹം. മയൂറിന്റെ ധീര കൃത്യത്തിന് പാരിതോഷികമായി മഹീന്ദ്ര താര് സമ്മാനമായി നല്കിയിരിക്കുകയാണ് മഹീന്ദ്ര ഉടമ ആനന്ദ് മഹീന്ദ്ര.
മയൂരിന് പ്രത്യേക വസ്ത്രമോ തൊപ്പിയോ ഇല്ലായിരുന്നു. പക്ഷേ സിനിമകളിലെ സൂപ്പര്ഹീറോകളേക്കാള് ധൈര്യം അയാള് കാണിച്ചു. ജാവ കുടുംബം മുഴുവന് നിങ്ങളെ സല്യൂട്ട് ചെയ്യുന്നു.’ ആനന്ദ് മഹീന്ദ്ര ട്വീറ്റ് ചെയ്തു.
ഇന്ത്യന് റെയില്വേ തങ്ങളുടെ സഹപ്രവര്ത്തകന്റെ ധീരതയെ അനുമോദിച്ചിരുന്നു. 50,000 രൂപ റെയില്വേ മന്ത്രാലയം പാരിതോഷികം നല്കുകയും ചെയ്തു. ജാവ മോട്ടോഴ്സ് തങ്ങളുടെ ഏറ്റവും ലേറ്റസ്റ്റ് മോഡല് ബൈക്കാണ് മയൂരിന് പാരിതോഷികമായി നല്കാന് പോകുന്നത്.
കാഴ്ച പരിമിതിയുള്ള അമ്മയ്ക്കൊപ്പം സ്റ്റേഷനിലൂടെ നടന്നുപോവുകയായിരുന്ന കുട്ടി പെട്ടെന്ന് ട്രാക്കിലേക്ക് വീഴുകയായിരുന്നു. ഈ കാഴ്ച കണ്ട് ട്രാക്കിലൂടെ ഓടിയെത്തിയ മയൂര് ഷില്ഖേ അതി സാഹസികമായാണ് കുട്ടിയെ പാഞ്ഞുവന്ന ട്രെയിനിന് മുന്നില് നിന്നും രക്ഷിച്ചത്. സംഭവത്തിന്റെ സിസിടിവി ദൃശ്യങ്ങള് സാമൂഹിക മാധ്യമങ്ങളില് വൈറലായതോടെ നിരവധിപേരാണ് മയൂറിനെ അഭിനന്ദിച്ച് രംഗത്തുവന്നത്.
