തിരുവനന്തപുരം : കൃഷിമന്ത്രി വി.എസ്. സുനില് കുമാറിന് വീണ്ടും കോവിഡ് സ്ഥിരീകരിച്ചു. മന്ത്രിക്ക് ആരോഗ്യ പ്രശ്നങ്ങള് ആരോഗ്യ പ്രശ്നങ്ങളൊന്നുമില്ല. നിലവില് തൃശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്. മന്ത്രിക്കൊപ്പം മകന് നിരഞ്ജന് കൃഷ്ണയ്ക്കും കോവിഡ് സ്ഥിരീകരിച്ചിട്ടുണ്ട്.
മന്ത്രി സുനില്കുമാറിന് കഴിഞ്ഞ സെപ്റ്റംബര് 23-ന് ആദ്യം കോവിഡ് സ്ഥിരീകരിക്കുകയും രോഗം ഭേദമാവുകയും ചെയ്തിരുന്നു. കോവിഡ് പ്രതിരോധ വാക്സിന് എടുക്കുന്നതിന് ഏപ്രില് 15ന് ബുക്ക് ചെയ്തിരുന്നതാണ്. ജലദോഷവും മണമില്ലായ്മയും അനുഭവപ്പെട്ടതിനെ തുടര്ന്ന് ടെസ്റ്റ് ചെയ്യുകയായിരുന്നെന്ന് വി.എസ്.സുനില് കുമാര് ഫേസ്ബുക്കിലൂടെ അറിയിച്ചു.
നേരത്തെ കോവിഡ് വന്ന സാഹചര്യത്തില് അതീവ ശ്രദ്ധയോടെയാണ് പൊതുപരിപാടികളില് പങ്കെടുത്തിരുന്നത്. നിലവില് ആരോഗ്യപ്രശ്നങ്ങളൊന്നും ഇല്ലെങ്കിലും കോവിഡ് വിമുക്തരാകുന്നതുവരെ ആശുപത്രിയില് തുടരും. ഈ ദിവസങ്ങളില് താനുമായി സമ്പര്ക്കത്തില് വന്നവര് ആരോഗ്യ വകുപ്പ് നിര്ദ്ദേശിക്കുന്ന പരിശോധനകള് നടത്തണമെന്നും സ്വയം നിരീക്ഷണത്തില് പോകണമെന്നും മന്ത്രി അഭ്യര്ത്ഥിച്ചിട്ടുണ്ട്.
നമ്മുടെ രാജ്യത്ത് കോവിഡിന്റെ രണ്ടാം തരംഗം ആണ് ഇപ്പോഴുള്ളത്. ജനങ്ങള് അീവ ജാഗ്രത പുലര്ത്തണം. സര്ക്കാരും ആരോഗ്യ വകുപ്പും നല്കുന്ന നിര്ദ്ദേശങ്ങള് പാലിച്ചുകൊണ്ട് കോവിഡിന്റെ രണ്ടാം തരംഗത്തെ നമുക്ക് അതിജീവിക്കാമെന്നും അദ്ദേഹം കൂട്ടിച്ചേര്ത്തു.
