തൃശൂര്‍ മെഡിക്കല്‍ കോളജ് വരാന്തയിലെ നൃത്തം ഏറ്റെടുത്ത് സൈബര്‍ലോകം. ”റാ റാ റാസ്പുടിന്‍… ലവര്‍ ഓഫ് ദ് റഷ്യന്‍ ക്വീന്‍…” എന്ന പാട്ടിനൊപ്പം നൃത്തം വൈറലായത്തിന്റെ സന്തോഷത്തിലാണ് മെഡിക്കല്‍ വിദ്യാര്‍ത്ഥികളായ ജാനകിയും എം ഓംകുമാറും നവീന്‍ കെ. റസാഖും.
നവീന്റെ ഇന്‍സ്റ്റാഗ്രാം അക്കൗണ്ടിലൂടെയാണ് നൃത്തവീഡിയോ 30 സെക്കന്‍ഡ് ദൈര്‍ഘ്യമുള്ള വീഡിയോ പുറത്തുവിട്ടത്. വയനാട് കളക്ടര്‍ അടക്കമുള്ളവര്‍ ഈ വീഡിയോ ഫേസ്ബുക്ക് പേജുകളിലൂടെ ഷെയര്‍ ചെയ്തിട്ടുണ്ട്. തൃശൂര്‍ മെഡിക്കല്‍ കോളേജ് ആശുപത്രിയുടെ മുകള്‍നിലയിലെ വരാന്തയിലായിരുന്നുഇരുവരും ഡാന്‍സ് കളിച്ചത്. ആളുകളുടെ തിരക്കില്ലാത്ത സ്ഥലം എന്ന നിലയിലാണ് അവിടെ ഡാന്‍സ് കളിക്കാന്‍ തീരുമാനിച്ചത്. യൂണിഫോമായിരുന്നു വേഷം. വീഡിയോ പുറത്തുവന്നതോടെ സമൂഹമാധ്യമങ്ങളിലെ ഫോളോവേഴ്‌സ് വര്‍ധിച്ചതായും ജാനകി പറയുന്നു.
പ്രതികരിക്കാൻ ഇവിടെ എഴുതുക: