ബ്രസല്സ്: സമൂഹമാധ്യമങ്ങളില് ശ്രദ്ധിക്കപ്പെട്ട് തുര്ക്കി പ്രസിഡന്റ് റിസെപ് തയ്യിപ് എര്ദോഗന്, യൂറോറ്യന് കൗണ്സില് പ്രസിഡന്റ് ചാള്സ് മൈക്കിള്, യൂറോപ്യന് കമ്മിഷന് പ്രസിഡന്റ് ഉര്സുല വോണ്ഡെര് ലെയെന് എന്നിവരുടെ യോഗത്തില്നിന്നുള്ള വീഡിയോ. മറ്റ് രണ്ട് നേതാക്കളും അടുത്തടുത്തുള്ള കസേരകളിൽ ഇരുന്നപ്പോള് ഉര്സുലയ്ക്ക് അല്പം ദൂരത്തുള്ള സോഫയിലാണ് ഇരിപ്പിടം ലഭിച്ചത്.
തുര്ക്കിയിലെ അങ്കാരയില് ചൊവ്വാഴ്ച നടന്ന യോഗത്തിനിടെയായിരുന്നു ഇത്. കൂടിക്കാഴ്ചയ്ക്ക് മൂവരും വലിയ മുറിയിലെത്തിയപ്പോള് യൂറോപ്യന് യൂണിയന്റെയും തുര്ക്കിയുടെയും പതാകകള്ക്ക് മുന്നിലായി രണ്ടു കസേരകളാണ് ക്രമീകരിച്ചിരുന്നത്. ഏര്ദോഗനും മൈക്കിളും ഇതില് സ്ഥാനം പിടിച്ചപ്പോള് തനിക്കു കസേരയില്ലേ എന്ന ഭാവത്തില് ഉര്സുല അമ്പരന്ന് നില്ക്കുന്നതും ‘എം’ എന്ന പ്രതികരണം നടത്തുന്നതും വീഡിയോയില് കാണാം.
പിന്നീട് അല്പം ദൂരത്തുള്ള സോഫയില് ഇരിക്കാന് ഉര്സുല നിര്ബന്ധിതയായി. അവര്ക്കൊരു ഇരിപ്പിടം നല്കൂവെന്ന എന്ന ഹാഷ്ടാഗിലാണ് ദൃശ്യങ്ങള് പ്രചരിക്കുന്നത്. സ്ത്രീകളുടെ അവകാശവും യോഗത്തിന്റെ അജണ്ടയിലുണ്ടായിരുന്നു. സമൂഹമാധ്യമങ്ങളില് വലിയ വിമര്ശനത്തിന് സംഭവം ഇടായാക്കി.
