ബ്യൂനസ് ഐറിസ്: അര്‍ജന്റീനിയന്‍ പര്യടനത്തില്‍ ഇന്ത്യന്‍ ഹോക്കി ടീമിന് വിജയത്തുടക്കം. പരിശീലന മത്സരത്തില്‍ ഇന്ത്യ ഒളിമ്പക് ചാമ്പ്യന്മാരായ അര്‍ജന്റീനയെ മൂന്നിനെതിരെ നാലു ഗോളുകള്‍ക്ക് അട്ടിമറിച്ചു.
നീലകണ്ഠ ശര്‍മ, ഹര്‍മന്‍പ്രീത് സിങ്, രുപീന്ദര്‍ പാല്‍ സിങ്, വരുണ്‍ കുമാര്‍ എന്നിവര്‍ ഇന്ത്യക്കായി ഗോളുകള്‍ നേടി. അര്‍ജന്റീനയ്്ക്കായി ലീയാന്‍ഡ്രോ ടോളിനി ഇരട്ട ഗോള്‍ നേടി. മെയ്‌കോ കസെല്ലാ ഒരു ഗോളും കുറിച്ചു.
ആദ്യ ക്വാര്‍ട്ടറില്‍ ഇരു ടീമുകളും തണുപ്പന്‍ പ്രകടനമാണ് കാഴ്ചവച്ചത്. എന്നാല്‍ രണ്ടാം ക്വാര്‍ട്ടറില്‍ ഇന്ത്യ തകര്‍ത്തുകളിച്ചു. അര്‍ജന്റീനയും അവസരത്തിനൊത്തുയര്‍ന്നതോടെ മത്സരം ആവേശഭരിതമായി. ഒടുവില്‍ ഇന്ത്യ വിജയവും സ്വന്തമാക്കി.
എഫ്‌ഐഎച്ച് ഹോക്കി പ്രോ ലീഗ് മത്സരത്തില്‍ അര്‍ജന്റീനയെ നേരിടാന്‍ ഇവിടെ എത്തിയ ഇന്ത്യ മൊത്തം ആറു മത്സരങ്ങള്‍ കളിക്കും. പ്രോ ലീഗിന് മുമ്പ് ഒരു പരിശീലന മത്സരം കൂടിയുണ്ട്. ഏപ്രില്‍ 11, 12 തീയതികളിലാണ് പ്രോലീഗ് മത്സരങ്ങള്‍. അതിനുശേഷം രണ്ട് പരിശീലന മത്സരങ്ങള്‍ കൂടി കളിക്കും.
പ്രതികരിക്കാൻ ഇവിടെ എഴുതുക: