കോട്ടയം: എന്എസ്എസ് ജനറല് സെക്രട്ടറി ജി സുകുമാരന് നായര്ക്കെതിരെ രൂക്ഷ വിമര്ശനവുമായി സിപിഐ സംസ്ഥാന സെക്രട്ടറി കാനം രാജേന്ദ്രന്. തെരഞ്ഞെടുപ്പ് ദിവസം മറ്റൊരു സാമുദായിക സംഘടനയും ഇത്തരം പ്രസ്താവന നടത്തില്ലെന്ന് കാനം സുകുമാരന് നായരുടെ പ്രസ്താവനയ്ക്ക് മറുപടി നല്കി.
സുകുമാരന് നായര്ക്ക് രാഷ്ട്രീയമുണ്ട് എന്നതിനുള്ള തെളിവുകളാണ് ഇന്ന് അദേഹം നടത്തിയ പ്രസ്താവന. മറ്റൊരു സാമുദായിക സംഘടനയും ഇത്തരം പ്രസ്താവന നടത്തിയില്ല. എല്ലാ വിശ്വാസങ്ങളും സംരക്ഷിക്കുമെന്നാണ് ഇടതുമുന്നണി പ്രകടന പത്രികയില് പറഞ്ഞിരിക്കുന്നതെന്നും കാനം പറഞ്ഞു.
ജനങ്ങള് ഭരണമാറ്റം ആഗ്രഹിക്കുന്നു എന്ന് താന് വിശ്വസിക്കുന്നതായി എന്എസ്എസ് ജനറല് സെക്രട്ടറി സുകുമാരന് നായര് പറഞ്ഞിരുന്നു. വിശ്വാസികളുടെ പ്രതിഷേധം കുറച്ചുകാലമായി പ്രകടമാകുന്നുണ്ടെന്നും അദേഹം പറഞ്ഞിരുന്നു. വാഴപ്പള്ളി സെന്റ് തെരേസാസ് സ്കൂളില് വോട്ട് രേഖപ്പെടുത്തിയ ശേഷമായിരുന്നു അദേഹത്തിന്റെ പ്രതികരണം.
