പൊയിനാച്ചി: തെരെഞ്ഞെടുപ്പിന്റെ പ്രചരണരംഗത്ത് സ്ഥാനാര്‍ത്ഥി ജനങ്ങള്‍ക്ക് മുന്നില്‍ വോട്ടഭ്യര്‍ത്ഥനയുമായി നീങ്ങുമ്പോള്‍ ഒരോ ചുവടും ഒപ്പിയെടുത്ത് പൊതു സമൂഹത്തിലേക്ക് എത്തിക്കുന്ന ഇവരെ ആരും തിരിച്ചറിയാറില്ല. ഉദുമ നിയോജക മണ്ഡലം എന്‍ഡിഎ സ്ഥാനാര്‍ത്ഥി എ.വേലായുധന്റെ പ്രചരണ രംഗത്ത് നാല് പേരാണ് എന്നും സജീവമായുണ്ടായിരുന്നത്.
ഒരോ ദിവസത്തെ പ്രചരണം ആംരംഭിക്കുമ്പോള്‍ അദ്ദേഹത്തോടപ്പം എല്ലാ ഇടങ്ങളിലും ഇവര്‍ എത്തുന്നു. ഒരോ സ്ഥലത്തെ പ്രസംഗവും വോട്ട് പിടത്തവും ക്യാമറയില്‍ ഒപ്പിയെടുത്ത് അപ്പോള്‍ തന്നെ സോഷ്യല്‍ മീഡിയയിലേക്ക് പോസ്റ്റ് ചെയ്യുന്നു. പത്ര ദൃശ്യ മാധ്യമങ്ങള്‍ക്ക് വാര്‍ത്തകളും ഫോട്ടോസുകളും കൃത്യമായി അയച്ചു കൊടുക്കുന്നു. ബിജെപി ജില്ലാ കമ്മറ്റിയംഗം വൈ. കൃഷ്ണദാസ് വാര്‍ത്തകളുടെ കാര്യം നോക്കുമ്പോള്‍ കരിച്ചേരിയില രാജേന്ദ്രന്‍ ഫോട്ടോകളും എടുക്കും. ഫോട്ടോകള്‍ ആവശ്യമായ തലക്കെട്ടുകള്‍ കൊടുത്തു സോഷ്യല്‍ മീഡിയകളില്‍ പോസ്റ്റ് ചെയ്യുന്ന ഉത്തരവാദിത്വം പി.വി.രതീഷിനാണ്.
സ്ഥാനാര്‍ത്ഥിയെ എവിടെയൊക്കെ സമയത്തിന് എത്തിക്കണമെന്ന ചുമതല ബിജെപി ജില്ലാ കമ്മറ്റി അംഗം ജനാര്‍ദ്ദനന്‍ കുറ്റിക്കോലിനാണ്. നാളത്തോടെ ഇവരുടെ പ്രവര്‍ത്തനവും അവസാനിക്കും.
പ്രതികരിക്കാൻ ഇവിടെ എഴുതുക: