പാലക്കാട്: തെരഞ്ഞെടുപ്പ് പ്രചാരണത്തില് ചിത്രങ്ങള് ദുരുപയോഗം ചെയ്തതിനെതിരേ ഷാഫി പറമ്പിലിനെതിരെ കല്പ്പാത്തിയിലെ ബ്രാഹ്മണ ജനത. വിശാലാക്ഷി സമേത വിശ്വനാഥ സ്വാമി ക്ഷേത്രത്തിലെ ശാന്തിമാരാണ് ഷാഫിക്കെതിരേ പരാതിയുമായി രംഗത്തെത്തിയത്. ക്ഷേത്രത്തിലെ ശാന്തിമാരായ പ്രഭുദേവ സേനാപതി, സഭാപതി എന്നിവരാണ് തെരഞ്ഞെടുപ്പ് പ്രചരണത്തിന് ചിത്രങ്ങള് ഉപയോഗിച്ചതിനെതിരെ പരാതിയുമായി രംഗത്തെത്തിയത്.
തങ്ങളുടെ അനുവാദം ഇല്ലാതെയാണ് ചിത്രങ്ങള് ഉപയോഗിച്ചത് എന്നും, നീക്കം ചെയ്യാന് ആവശ്യപ്പെട്ടിട്ടും യാതൊരു നടപടിയും സ്വീകരിച്ചില്ല എന്നും ശാന്തിമാര് പറയുന്നു. തങ്ങള്ക്ക് വ്യക്തമായ രാഷ്ട്രീയമുണ്ട് എന്നാല് അത് ഷാഫിയെ അനുകൂലിക്കുന്നതല്ല. ചിത്രങ്ങള് പരസ്യപ്പെടുത്തിയതോടെ വിശ്വാസി സമൂഹത്തില് നിന്നും പഴി കേള്ക്കുകയാണെന്നും പൂജാരിമാര് വ്യക്തമാക്കി.
