ന്യൂദല്ഹി : കോണ്ഗ്രസ് നേതാവ് പ്രിയങ്ക വാദ്ര കോവിഡ് നിരീക്ഷണത്തില്. കോവിഡ് രോഗിയുമായി സമ്പര്ക്കത്തില് വന്ന പശ്ചാത്തലത്തിലാണ് നിരീക്ഷണത്തില് പ്രവേശിച്ചിരിക്കുന്നത്. ഇതിനെ തുടര്ന്ന് നേമത്തെ തെരഞ്ഞെടുപ്പ് പ്രചാരണത്തില് പങ്കെടുക്കുന്നത് റദ്ദാക്കി.
നിലവില് പ്രിയങ്കയുടെ കോവിഡ് പരിശോധനാ ഫലം നെഗറ്റീവാണ്. എങ്കിലും ഡോക്ടര്മാരുടെ നിര്ദ്ദേശപ്രകാരം അവര് നിരീക്ഷണത്തില് പോവുകയായിരുന്നു.
നിയമസഭാ തെരഞ്ഞൈടുപ്പ് നടക്കുന്ന അസമിലേക്ക് ഇന്ന് തിരിക്കാനിരിക്കുകയായിരുന്നു അവര്. തുടര്ന്ന് ശനിയാഴ്ച തമിഴ്നാട്ടിലേക്കും അവിടെ നിന്നും കേരളത്തിലേക്ക് വരാനായിരുന്നു പ്രിയങ്ക തീരുമാനിച്ചിരുന്നത്. എന്നാല് കോവിഡ് നിരീക്ഷണത്തില് പ്രവേശിച്ചതോടെ ഈ പരിപാടികളെല്ലാം റദ്ദാക്കിയതായി പാര്ട്ടി വൃത്തങ്ങള് അറിയിച്ചു.
