ബത്തേരി: വനവാസി ഊരുകളുടെ ഹൃദയം കവര്‍ന്ന് ജാനുവിന്റെ പര്യടനം. എന്‍ഡിഎ സ്ഥാനാര്‍ഥി സി.കെ ജാനുവിന്റെ ഇന്നലത്തെ പര്യടനം മീനങ്ങാടി പുറക്കാടിയില്‍ നടന്ന പൊതുയോഗത്തോടെയാണ് ആരംഭിച്ചത്.
പൊതുയോഗം ബിഡിജെഎസ് മണ്ഡലം പ്രസിഡന്റ് ജൈജുലാല്‍ ഉദ്ഘാടനം ചെയ്തു. വേണുഗോപാല്‍ വാര്യര്‍ അധ്യക്ഷത വഹിച്ചു. പര്യടനകളില്‍ സ്ഥാനാര്‍ത്ഥിയോടപ്പം ബിജെപി നേതാക്കളായ വി.മോഹനന്‍, ലളിത വത്സന്‍, കനകമണി, ഷീല ശിവന്‍, ദീനദയാല്‍ എന്നിവര്‍ പങ്കെടുത്തു. മീനങ്ങാടിയില്‍ നടന്ന പൊതുയോഗത്തില്‍ പങ്കെടുത്ത ശേഷം ജാനു മീനങ്ങാടി ആവയല്‍ കോളനി സന്ദര്‍ശിച്ചു. പിന്നീട് മണിച്ചിറ, പഴുപ്പത്തൂര്‍, കിടങ്ങില്‍, നായ്‌ക്കട്ടി, കല്ലുമുക്ക്, തകരപ്പാടി എന്നിവടങ്ങളില്‍ നടന്ന പൊതുയോഗത്തില്‍ പങ്കെടുത്തു.
കല്ലൂരില്‍ നടന്ന പൊതുയോഗത്തോടെ ഇന്നലത്തെ പര്യടനം സമാപിച്ചു. കല്ലൂരില്‍ നടന്ന പൊതുയോഗത്തില്‍ ബിജെപി മേഖല ജനറല്‍ സെക്രട്ടറി കെ.സദാനന്ദന്‍ ഉദ്ഘാടനം ചെയ്തു. വത്സരാജന്‍ അധ്യക്ഷത വഹിച്ചു.
പ്രതികരിക്കാൻ ഇവിടെ എഴുതുക: