ചെന്നൈ : നടിയും ബിജെപി നേതാവുമായ ഖുശ്ബു സുന്ദര്‍ തന്റെ കന്നി തെരഞ്ഞെടുപ്പങ്കത്തില്‍ വിജയം മാത്രം ലക്ഷ്യമാക്കി കുതിക്കുമ്പോള്‍ അത് നിയോജകമണ്ഡലത്തിന്റെ ഒരു മൂലയിലും തരംഗം സൃഷ്ടിക്കുന്നു. തന്റെ എല്ലാ താരപ്പൊലിമയും മാറ്റിവെച്ച് ഖുശ്ബു സാധാരണക്കാരില്‍ സാധാരണക്കാരുടെ ഇടയിലേക്ക് ഇറങ്ങിച്ചെല്ലുകയാണ്.
നിയമസഭാ തെരഞ്ഞെടുപ്പിൽ തൗസന്‍റ് ലൈറ്റ്‌സ് നിയോജക മണ്ഡലത്തിൽ നിന്നുമാണ് ഖുശ്ബു മത്സരിക്കുന്നത്.താരം ഒരു സാധാരണ തട്ടുകടയില്‍ ദോശയുണ്ടാക്കുന്ന വീഡിയോ ഏറ്റവുമൊടുവില്‍ സമൂഹമാധ്യമങ്ങളില്‍ വൈറലാണ്.
തെരഞ്ഞെടുപ്പ് പ്രചാരണത്തിന്റെ ഭാഗമായി മാതാ സ്ട്രീറ്റിലെത്തിയ ഖുശ്ബുവും ബിജെപി പ്രവർത്തകരും വോട്ട് തേടി പ്രദേശത്തെ തട്ടുകടയിലേക്ക് കയറി. ഇവിടെ ഖുശ്ബു തന്റെ പാചക വൈദഗ്ധ്യം പുറത്തെടുത്തു. തമിഴ്‌നാട്ടിൽ പേരുകേട്ട നടി തന്റെ കടയില്‍ ദോശ ചുട്ടത് കടയുടമയിലും തെല്ല് അമ്പരപ്പുണ്ടാക്കി. ഇത് അധികം വൈകാതെ സമൂഹ മാധ്യമങ്ങളില്‍ വൈറലായി.
‘എന്റെ വിജയത്തെക്കുറിച്ച് ആത്മവിശ്വാസമുണ്ട്. സഖ്യകക്ഷികളുടെ പിന്തുണയും എന്‍ഡിഎ നല്‍കുന്ന സ്‌നേഹവും വിജയമായി മാറും,’ ഖുശ്ബു പറയുന്നു. ചെല്ലുന്നിടത്തെല്ലാം നല്ല ജനപിന്തുണയാര്‍ജ്ജിക്കാനും ഖുശ്ബുവിന് കഴിയുന്നു.
പ്രതികരിക്കാൻ ഇവിടെ എഴുതുക: