ന്യൂദല്‍ഹി : കേന്ദ്ര സര്‍ക്കാരിന്റെ ഫണ്ടുകള്‍ കേരളം ലേബല്‍ മാറ്റി സ്വന്തമാക്കുന്നെന്ന് ബിജെപി ദേശീയ വക്താവ് മീനാക്ഷി ലേഖി എംപി. കിറ്റ് വിതരണത്തില്‍ മാത്രമല്ല എല്ലാ കേന്ദ്രഫണ്ടും പേരുമാറ്റി നല്‍കുകയാണ്. സ്വകാര്യ മാധ്യമത്തോട് പ്രതികരിക്കുകയായിരുന്നു അവര്‍.
കേരളത്തില്‍ മുസ്ലിം പ്രീണനമാണ് സിപിഎം നടത്തി വരുന്നതെന്ന് മീനാക്ഷി ലേഖി എംപി അറിയിച്ചു. വിധവകള്‍ക്കുള്ള ധനസഹായത്തിന്റെ കാര്യത്തില്‍ മലപ്പുറത്തുള്ള മുസ്ലിം വിധവയെങ്കില്‍ നിങ്ങള്‍ക്ക് സഹായം കിട്ടും. മലപ്പുറത്തോ പുറത്തോ ഉള്ള ഹിന്ദു, ക്രിസ്ത്യന്‍ വിധവകള്‍ക്ക് ആനുകൂല്യം കിട്ടില്ല. സ്റ്റാര്‍ട്ട് അപ്പുകളിലും അങ്ങനെ തന്നെയാണ്. മുസ്ലിങ്ങള്‍ക്ക് കിട്ടുന്ന സഹായം മറ്റ് മതസ്ഥര്‍ക്ക് കിട്ടുന്നില്ല. ഈ വര്‍ഗീയത ജനം തിരിച്ചറിയുമെന്നും പ്രതികരിച്ചു.
ശബരിമലയിലെ ജനങ്ങളുടെ അവകാശത്തേയും വിശ്വാസത്തേയും ബിജെപി സംരക്ഷിച്ചു. അത് തെരഞ്ഞെടുപ്പില്‍ പ്രതിഫലിക്കും. ജനങ്ങളുടെ വികാരം മനസ്സിലാക്കാത്തവര്‍ ഇപ്പോള്‍ അവരുടെ സംരക്ഷകരായി സംസാരിക്കുന്നു. ഇങ്ങനെ നാടകം കളിക്കുന്നവരാരെങ്കിലും വിശ്വാസ സംരക്ഷണത്തിനായി ജയിലില്‍ പോയിട്ടുണ്ടോ. കേരളത്തിലെ ജനങ്ങള്‍ ബുദ്ധിയുള്ളവരാണ്. കാര്യങ്ങള്‍ നന്നായി മനസിലാക്കാന്‍ അവര്‍ക്കറിയാം. വലിയ മാറ്റം ഇത്തവണ ഉണ്ടാകുമെന്നും മീനാക്ഷി ലേഖി അറിയിച്ചു.
സിപിഎമ്മുമായി ഒരിക്കലും ബിജെപിക്ക് സഖ്യമുണ്ടാക്കാനാവില്ല. കേരളത്തില്‍ 35 സീറ്റ് കിട്ടുമെന്ന സംസ്ഥാന പ്രസിഡന്റ് കെ. സുരേന്ദ്രന്റെ വാക്കുകളെ വിശ്വസിക്കുന്നു. സംസ്ഥാന പ്രസിഡന്റിനാണ് കൂടുതല്‍ കാര്യങ്ങള്‍ അറിയാവുന്നതെന്നും അവര്‍ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: